Werkgeverschap - Kolaboradó hurídiko

Abo ta interesá den derechi di ámtenar òf derechi atministrativo i bo kier tin algu di bisa den asuntunan di personal di nos organisashon ambisioso? Bo gusta traha huntu ku otronan riba un kaso kompliká i bo ta traha minusioso? E ora ei gustosamente nos ta spera bo solisitut!

HBO/WO | Boneiru | 39,5 ora | P&O2020_05_002 | Fecha di klousura 3 di yüni 2020

Komo kolaboradó hurídiko bo ta sostené na promé lugá e hurista senior riba e área di asuntunan di personal. Tambe bo ta responsabel pa dunamentu di konseho den e proseso rondó aprobashon di nombramentu di ámtenarnan den servisio di gobièrnu insular.

Tareanan di e funshon

  • Sostené den sentido amplio e tim ‘Werkgeverschap’ i e Representante di Reino interino riba tereno hurídiko
  • Sostené huristanan ora di atendé dosiénan hurídiko individual, por ehèmpel den forma di investigashon di hurisprudensia òf literatura
  • Duna konseho tokante aprobashon di nombramentu di personal, promoshon, suspenshon i retiru di ámtenarnan den servisio di gobièrnu insular. Esaki ta un responsabilidat ku konforme e Lei entidatnan públiko Boneiru, Sint Eustatius i Saba ta asigná na e Representante di Reino interino
  • Prepará karta- i dokumentonan hurídiko
  • Kontrolá kontenido di desishonnan tokante personal
  • Duna kontribushon na manual-, instrukshonnan di trabou, deskripshon di proseso etcetera
  • Sigui i eksplorá desaroyonan relevante riba e área di atenshon

E organisashon

Rijkdienst Caribisch Nederland (RCN) ta e konekshon entre e ministerionan ku ta presente na Boneiru Bonaire, Sint Eustatius i Saba. Kada ministerio mes ta pa loke ta trata kontenido responsabel pa introdusí i ehekutá maneho di e ministerio konserní. Pa ehekushon i sosten al respekto nan ta hasi un apelashon riba e servisio sentral di Rijksdienst Caribisch Nederland. Formalmente e funshon di dunadó di trabou pa tur ámtenar den servisio di RCN ta organisá bou di e Minister di Asuntunan Interno i Relashon di Reino (BZK).

Bo ta traha ofishalmente pa e sekshon ‘Werkgeverschap’, pero bo ta disponibel tambe pa otro sekshonnan di RCN. E direktor di RCN ta ehersé e ròl di dunadó di trabou den representashon di e minister di BZK pa tur kolaboradó di RCN. Basá riba e ròl ei e ta responsabel pa formulashon di kondishonnan laboral i maneho di personal, pa garantisá integridat i (sigui) desaroyá partisipashon. Ta yama esaki tambe ‘Werkgeverschap’ ofishalmente.

Banda di esei bo ta disponibel tambe pa e Representante di Reino interino. E ta okupá su mes den representashon di BZK ku promoshon di kooperashon entre ámtenarnan (di gobièrnu sentral) riba e islanan, promoshon di bon gobernashon i ku siguridat relashoná ku kandela, desaster òf krísis.

Bo abilidatnan

  • Kooperá
  • Analisá
  • Fleksibilidat
  • Atenshon pa kliente
  • Planiá i organisá
  • Sensitividat pa organisashon

Eksigensia di e funshon

  • Estudio hurídiko HBO/WO finalisá
  • Eksperensia di trabou relevante komo kolaboradó hurídiko
  • Konosementu di derechi di ámtenar i/òf derechi atministrativo
  • Afinidat demostrabel ku Hulanda Karibense
  • Ekselente dominio di hulandes verbal i por eskrito. Ingles i papiamentu ta un bentaha

Loke nos ta ofresé

  • Un salario konforme merkado, den skal inisial 9 i skal 10 di e funshon di minimal $ 2.579,- i maksimal $ 3.927,- pa luna pa un siman di trabou di 39,5 ora. Klasifikashon ta a base di konosementu i eksperensia
  • Un di 13 luna di 8% di e salario
  • Pago di plaka di fakansi di 8,33% di e salario
  • Un bon areglo di penshun ku ta poné bou di PCN
  • Posibilidat interno di formashon
  • 184 ora di fakansi (a base di un siman di trabou di 39,5 ora)
  • Un nombramentu temporal pa 1 aña ku bista riba un nombramentu fiho
  • Un areglo di mudansa si bo ta reakshoná for di den eksterior

Eksigensianan di nombramentu

  • Ta eksigensia ku mester por presentá un deklarashon tokante kondukta (VOG) i un saminashon médiko.
  • Un ‘assessment’ por forma parti di e prosedura di selekshon.

Mas informashon?

Pa informashon tokante e vakatura por tuma kontakto ku Charlotte Verpaalen, hurista laboral, telefòn: +599 715 8321.

Solisitut digital

Bo por manda bo Curriculum Vitae ku motivashon pa: vacature@rijksdienstcn.com