ZJCN Asistente Médiko Senior

E organisashon

Kuido i Hubentut Hulanda Karibense (ZJCN, Zorg en Jeugd Caribisch Nederland) ta parti di e Ministerio di Salubridat, Bienestar i Deporte (VWS) i ta enbolbí ku kuido di salubridat i kuido pa hóben na Hulanda Karibense. Diferente for di na Hulanda Oropeo, na Hulanda Karibense ZJCN (VWS) tambe ta ehekutá e seguro médiko i e kuido pa hóben. E direktiva di programa di ZJCN pues no solamente ta responsabel pa maneho i legislashon, sino tambe pa ehekushon. Ademas, e direktiva di programa ZJCN den VWS ta e punto di kontakto pa e paisnan Kòrsou, Aruba i Sint Maarten i pa e otro ministerionan.

Deskripshon di funshon

Komo Asistente Médiko Senior, bo ta parti di e tim di konseho médiko. E tim aki ta responsabel pa konseheria di e kontenido médiko i pa vigilansia di e kalidat di e kuido.

Tareanan di funshon

• Bo ta responsabel pa evaluashon di e kontenido médiko di e petishonnan pa fasilitashon di prótesis i medio ouksiliar, kuido despues di parto i kuido na kas, den eksterior, i pedikur médiko a base di protokòlnan i regulashonnan establesé;
• Bo ta hasi investigashon independientemente, i ta tuma e akshonnan nesesario pa evaluá legitimidat i efikasia di petishonnan;
• Bo tuma inisiativa pa aktualisá protokòlnan eksistente den konsulta ku managernan di kuenta i konseheronan médiko;
• Huntu ku e konsehero médiko, bo ta kontrolá deklarashonnan kompleho di aseguradonan;
• Bo ta tèst i evaluá deklarashonnan simpel di aseguradonan independientemente konforme e instrukshonnan, proseduranan, i kompetensianan ku ta na vigor;
• Bo ta guia i supervisá e asistente(nan) médiko ku ehekushon di trabounan ku ta tuma lugá a base di protokòl;
• Bo ta ehekutá trabounan di apoyo organisatorio na benefisio di e hefe di servisio i e konsehero médiko (sitanan, pidi informashon, vigilá proseduranan, etc.);
• Bo ta tene kontakto ku aseguradonan, suministradónan, i dunadónan di kuido;
• Bo ta konsultá e hefe di Kuido i Servisio (Zorg en Dienstverlening) òf e konsehero médiko tokante kasonan spesial;
• Bo ta redaktá deskripshonnan di proseso pa e prosesonan relatá na bo funshon, i ta aktualisá nan kaminda nesesario;
• Bo ta kompilá datonan pa informashon di maneho.

Eksigensianan di e funshon

• Bo ta disponé di un nivel HBO di traha i pensa, i por proba ku bo tin konosementu di práktika (i konosementu di terminologia médiko). Kandidatonan ku un diploma MBO-4 i ku por proba di tin un nivel HBO di traha i pensa tambe ta invitá pa solisitá.
• Bo ta disponé di un diploma MBO 4 di asistente di dòkter, enfermero/a, òf un disiplina paramédiko relevante;
• Bo tin por lo ménos 3-5 aña di eksperensia den un funshon relevante;
• Bo tin konosementu di prosesonan di trabou relevante riba tereno médiko;
• Bo ta kapas pa hasi bon evaluashonnan tokante kasonan médiko (urgente);
• Bo tin konosementu di métodonan, téknikanan, i sistemanan riba e tereno profeshonal, i di e diferente posibilidatnan pa aserkamentu (operashonal) di situashonnan (urgente) – tambe situashonnan spesial;
• Bo tin konosementu di proseduranan, instrukshonnan, legislashon, i regulashon relevante;
• Bo tin konosementu i komprondementu di e tareanan i metanan i di e relashonnan funshonal di e ofisina di seguro médiko i di unidatnan relashoná kuné c.q. e partnernan di kadena;
• Bo ta dominá hulandes, ingles, papiamentu i, preferiblemente, spañó, verbalmente i por eskrito.

Kompetensianan

• Traha huntu
• Orientashon riba kliente
• Eksaktitut
• Abilidat analítiko
• Inisiativa
• Sensitividat di organisashon

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 8 / skal di funshon 9 di mínimo $ 2.892,- i máksimo $ 4.418,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual bruto);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);

• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Partisipashon na e fondo di penshun ta obligatorio, inkluso kontribushon propio;
• Pa e funshon aki un saminashon médiko ta obligatorio. Sin un resultado positivo di e saminashon aki e nombramentu no por tuma lugá;
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Sulay Lau, Lider di Tim Kuido i Servisio via telefòn +599 795 2024 òf meil òf meil Sulay.Lau@zorgverzekeringskantoor.nl

Solisitut digital

Bo por manda bo Curriculum Vitae ku motivashon pa: vacature@rijksdienstcn.com.