ZJCN Hefe di Kuido i Servisio

WO | Boneiru | 36 ora | Number di vakatura: P&O2025_11_008 | Fecha di klousura: 25 di novèmber 2025

Deskripshon di e funshon

Komo Hefe di Kuido i Servisio, bo ta dirigí un tim ku ta krusial pa e habitantenan di Hulanda Karibense.   Bo ta sòru pa e aseguradonan risibí e kuido ku nan tin derechi ariba – profeshonalmente, kuidadoso i ku atenshon pa e hende tras di kada kaso.

Bo ta un lider visibel i enbolbí ku ta inspirá i sostené empleadonan.  Bo ta mónitòr e kalidat di servisio, mehorá prosesonan, i fortalesé e kolaborashon den ZJCN i ku partnernan eksterno. Komo miembro di e tim di maneho, bo ta duna un kontribushon signifikante tambe na e polítika i desaroyo mas aleu di ZJCN.

Tareanan di e funshon

• Bo ta dirigí e tim di Kuido i Servisio i enkurashá kresementu profeshonal den e tim;
• Bo ta sòru pa e prosesonan kana sin problema, ku enfoke riba kliente i di forma efisiente;
• Bo ta konektá ku nos aseguradonan via di nos gruponan di enfoke;
• Bo ta mónitòr e kalidat di atministrashon di e aseguradonan i referensianan médiko;
• Bo ta mantené kontakto ku gobièrnunan insular, dunadónan di kuido di salú i partnernan;
• Bo ta identifiká desaroyonan i tradusí esakinan den mehorashonnan konkreto;
• Bo ta kontribuí di forma aktivo na prosesonan di kambio i e direkshon stratégiko di ZJCN.

E organisashon

ZJCN ta un Direktorado di Ministerio di Salubridat, Bienestar i Deporte (VWS).  ZJCN ta responsabel pa entre otro implementashon di e Dekreto di Seguro di Kuido di Salú BES i e Reglamento di Demanda di Seguro di Kuido di Salú di BES (Raz-BES).  E areglonan aki huntu ta forma e kuadro den kua ta determiná derechonan di kuido di salú pa habitantenan di Hulanda Karibense. E punto di salida ta pa boga pa un nivel di kuido ekivalente na esun di Hulanda Europeo.

ZJCN su tareanan prinsipal ta: desaroyá maneho dirigí riba desaroyo mas aleu di kuido di salú riba e islanan, kompra kuido serka dunadónan di kuido, i duna servisio na personanan sigurá.  E Direktorado tin ofisinanan na Boneiru, Saba, Sint Eustatius, i Den Haag.

E departamento

E tim di Kuido i Servisio ta situá na Boneiru, ku ofisinanan na Saba i Sint Eustatius i su tarea prinsipal ta duna servisio na e aseguradonan.  Esaki ta inkluí manehá atministrashon di e aseguradonan, duna informashon, i manehá tur kontakto prinsipal ku e aseguradonan via internèt, telefòn, resepshon i pòst.Tambe e departamento ta regla mas o ménos 7.000 referensia médiko anualmente pa tratamentunan ku no por tuma lugá riba e isla.  E tim ta traha di forma estrecho ku konseheronan di maneho i accountmanagernan pa sigi mehorá e disponibilidat i aksesibilidat di kuido.  E tim ta diverso i ta inkluí personal di resepshon, personal di logístika, gerentenan di kaso i konseheronan médiko.

Kompetensianan

• Kolaborá 
• Servisio dirigí riba kliente
• Presishon
• Liderazgo ku ta konektá
• Antisipá 
• Persuasivo   
• Motivashon pa yuda produktividat 
• Duna direkshon individual 

Eksigensianan pa e funshon

• Nivel WO di traha i pensa;
• Eksperensia di liderazgo demostrabel, preferiblemente den kuido di salú òf den sektor públiko;
• Konosementu di prosesonan di kuido di salú i un afinidat pa seguro di kuido;
• Eksperensia ku maneho di kambio i liderazgo di entrenamentu;
• Sensibilidat polítiko i kultural, ku un wowo pa e dinámika di e islanan;
• Dominio di Papiamentu, Hulandes i Ingles (Spañó ta un bentaha).

Wat bieden wij?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 13 i skal di e funshon 14, salario mensual mínimo $ 5.577,- i máksimo $ 7.618- ku un siman di trabou di 36 ora. Klasifikashon a base di konosementu i eksperensia ; 
• Sen di fakansi (8,33% di e entrada anual)
• Un di diestres luna (8,33% di e entrada anual); 
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN); 
• 182 ora di fakansi den kaso di un siman di trabou di 36 ora pa siman;
• Un nombramentu temporal di un aña, ku perspektiva di un nombramentu fiho den kaso di bon funshonamentu i un resultado di evaluashon positivo; 
• Un areglo di mudansa pa kandidatonan ku ta reakshoná for di den eksterior.

Procedure

Un assesment, casus i/òf chekeo di referensia por ta parti di e prosedura. Ta habri e vakatura akí na mes momentu interno i eksterno kaminda ku ta tene kuenta ku e siguiente órden na momentu di selekshon:

• Personal ofisial di RCN na e islanan BES (interno)
• Habitante di e parti karibense di Hulanda (eksterno)
• Sobrá kandidato (eksterno)

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (partisipashon ta obligatorio, inkluso kontribushon propio;
• Nashonalidat hulandes. 

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto riba e entrada mas haltu ku e suma liber di impuesto ($ 20.242,- na 2024) di un porsentahe di 30,4 % na retenshon riba suèldu;
• Bo ta, òf bo ta bira, residente di Hulanda Karibense.

Mas informashon?

Pa informashon tokante e vakatura por tuma kontakto ku Herbert Barnard, Direktor di ZJCN, number di telefòn  +31 6 15035181 òf via meil hp.barnard@minvws.nl.  

Aplikashon digital

Bo por manda bo Curriculum Vitae ku motivashon na vacature@rijksdienstCN.com