ZJCN Hefe di Sekshon

Direktorado di programa Kuido i Hubentut Hulanda Karibense (ZJCN), ta buskando pa e sekshon di Jeugdzorg un Hefe di Sekshon.

WO | Stashoná na Boneiru | P&O2021_01_006 | Fecha di klousura: 10 di mart 2021

Deskripshon di funshon

Por dividí e tareanan prinsipal di Jeugdzorg den kuater supárea, esta dunamentu di yudansa ambulante, ehekushon di medidanan di protekshon di mucha, jeugdreclassering i kuido di yu di kriansa.

Komo miembro di MT di Jeugdzorg bo ta forma parti di e direktorado di programa Kuido i Hubentut Hulanda Karibense (ZJCN) di e ministerio di VWS. Bo tin duna kuenta i rason na e direktor di programa ZJCN i e gerensia di programa ta kai direktamente bou di e sekretario general di VWS.

Bo ta responsabel pa resultadonan ora ta trata realisashon di e produkto- i servisionan di Jeugdzorg, ku poko palabra, e ehekushon. Bo ta duna direkshon i guia na e desaroyo di organisashon i ta karga responsabilidat pa e nivel di kalidat i e trabounan di e kolaboradónan. A base di esaki bo ta sòru pa posishonamentu di e sekshon den direktorado di programa ZJCN amplio. Asina e hefe di sekshon ta formulá den diálogo ku sekshon di maneho di direktorado di programa na Den Haag, puntonan di salida di maneho riba área di kuido di hóben i guia di famia i ta implementá esakinan den e aserkamentu i manera di traha di Jeugdzorg. Tambe hefe di sekshon ta kapas pa atendé i ehekutá kambionan pa ZJCN riba e islanan, komo konsekuensia di reformanan den e struktura di kuido.

Bo ta konstruí i mantené un ret di kontakto relevante pa e trabou, riba nivel atministrativo i gubernamental, dirigí riba tereno di trabou di e sekshon. Bo ta sòru tambe pa inisiá, konstruí i ekspandé i/òf mantené kolaborashon (stratégiko) ku organisashonnan di kadena riba e islanan. Den esei afinidat pa e diferente kulturanan riba e islanan ta importante.

E organisashon ta pidi pa stabilidat i kontinuidat den maneho, un persona ku por fungi komo lider pa ankra e filosofia di kuido i laga esaki biba interno i eksterno. Un persona ku den tim den e direktorado di programa por kombertí akshon den resultado, ku por inspirá i tambe riba término mas largu por duna direkshon pa (sigui) profeshonalisá ZJCN i na e koperashon ku e partnernan di kadena.

Ministerio di Salubridat, Bienestar i Deporte

Kuido i Hubentut Hulanda Karibense (ZJCN) ta un direktorado di programa den ministerio di VWS. Hulanda salú i bon: esei ta e lema di ministerio di Salubridat, Bienestar i Deporte (VWS). VWS kier mantené tur hende salú mas largu posibel, pone kuido mas lihé posibel disponibel pa aseguradonan, sostené personanan ku limitashon i promové partisipashon sosial.

Direktorado di programa Kuido i Hubentut Hulanda Karibense (ZJCN)

E direktorado ta parsialmente establesé na Den Haag, pero e parti mas grandi ta na Boneiru. Via konferensianan di vidio i bishitanan di trabou, nos ta trata na traha komo un direktorado, no opstante e distansia i e diferensia den orario. E direktorado di programa ta e punto di kontakto den VWS pa tantu Hulanda Karibense, e paisnan Kòrsou, Aruba i Sint Maarten komo pa otro departamentunan, manera ministerio di Asuntunan Interno i Relashon den Reino. Ultimo añanan a dal pasonan pa mehorá kuido di salú i kuido di hóben na Hulanda Karibense, pero ainda tin retonan ta warda riba nos. Dosiénan ku tin di aber ku violensia doméstiko, akohida di mucha, kuido di grandinan, salubridat públiko ta djis algun di e tópikonan importante riba e islanan. Tambe e enfoke di krísis ta okupá un lugá haltu riba e agènda. Den e direktorado di programa un tim ta atendé tur asuntu relashoná ku kombatimentu di e pandemia di COVID-19 pa e parti Karibense di Reino.

E sekshon

Jeugdzorg ta komprometé su mes pa mehorá posishon di e mucha na Boneiru, Saba i Sint Eustatius. E mishon ta: salbaguardiá konhuntamente kada mucha di forma duradero.

Jeugdzorg ta enfoká riba kuido pa mucha ku ta ser menasá den su desaroyo, di manera ku ta kumpli ku kondishon esensial di siguridat, nesesidat básiko i kondishon di desaroyo. E punto di salida ta ku e mucha por lanta mas tantu posibel den e famia i ku e mayornan mes na promé lugá ta responsabel. E enfoke ta dirigí riba fortifikashon di fortalesa propio di e famia, tantu den e kuadro boluntario komo den e kuadro fòrsá.

Jeugdzorg ta hunga un papel aktivo den henter e kadena di ayudo pa hóben: duna indikashon, duna guia dor di traha i ehekutá parsialmente trayektonan di dunamentu di yudansa, monitòr progreso di e yudansa. Jeugdzorg ta traha mas aleu riba promoshon di sinergia i koperashon, mobilisashon di e partidonan di kadena i yuda siñalá nesesidatnan di yudansa pa hóben.

E maneho pa hubentut na Hulanda Karibense ta responsabilidat di gobièrnu lokal i gobièrnu sentral. E entidatnan públiko ta na promé lugá responsabel pa prevenshon i ministerio di VWS ta responsabel pa e kuido di hóben mas pisá i pa ehekushon di guia di famia. E Lei di hóben (Jeugdwet) no ta aplikabel na Hulanda Karibense. Den 2020 a start un trayekto pa desaroyo di maneho pa yega na un struktura di kuido integral.

Jeugdzorg ta operá den un ambiente ku ta karakterisá pa e tamaño di eskala partikular di e islanan, e diferente kulturanan di e islanan i e distinto pensamentunan sosial relashoná ku (edukashon di) e mucha. E distansia geográfiko grandi entre Boneiru, Saba i Sint Eustatius ta hasi ku ofresementu inkonfundibel di bon kuido ta un reto.

Abilidatnan

  • Desaroyo di kolaboradónan
  • Dirigí organisashon
  • Sensitividat pa organisashon i gerensia
  • Integridat

Abilidat spesífiko di e funshon

  • Liderazgo ku ta krea vínkulo
  • Formashon di opinion
  • Orientashon riba resultado
  • Konsiente di e ambiente
  • Vishon

Eksigensianan di e funshon

  • Nivel akadémiko di traha i pensa;
  • Por lo ménos 5 aña di eksperensia komo dirigente den un organisashon profeshonal di kuido (di hóben) i demostrabel eksitoso den guiamentu di (diferente) proseso i proyekto;
  • Liderazgo demostrabel i inspirante ku atenshon partikular pa hisa e kapasidat di siña di e organisashon i su kolaboradónan.
  • Afinidat demostrabel ku e tema ‘hóben’ i konosementu di lei i reglanan relevante;
  • Poder pa bin ku solushonnan pragmátiko fuertemente desaroyá ta un bentaha;
  • Dominio di papiamentu, tantu verbal komo por eskrito, ta un bentaha òf disponibilidat pa siña esaki riba término hopi kòrtiku;
  • Abil den mantenshon di kontakto den un ret operashonal i dinámiko;
  • Sensibilidat di gerensia i organisashon bon desaroyá pa por funshoná riba nivel di gerensia den un área importante di trabou polítiko i sosial i ku ta sensibel.

Loke nos ta ofresé

  • Un salario konforme merkado, den skal inisial 13 i skal di funshon 14, di minimal $4,570,- i maksimal $6,501- pa luna pa un siman di trabou di 39.5 ora. Klasifikashon a base di konosementu i eksperensia;
  • Un di 13 luna di 8.33% i minimal $ 1,750,- a base di un siman di trabou di 39.5 ora;
  • Pago di plaka di fakansi di 8.33% di e salario;
  • Un bon areglo di penshun ku ta na enkargo di PCN;
  • Posibilidatnan di formashon interno;
  • 184 ora di fakansi (a base di un siman di trabou di 39.5 ora);
  • Un nombramentu temporal di 1 aña ku bista riba un nombramentu fiho;
  • Un areglo di mudansa si bo ta reakshoná for di eksterior;
  • Den kaso di igual kapasidat kandidatonan interno tin preferensia riba kandidatonan eksterno.

Eksigensianan pa nombramentu

  • Ta eksigensia ku mester por presentá un deklarashon tokante kondukta (VOG) i un saminashon médiko;
  • Un assessment por ta parti di e prosedura di solisitut;
  • Nashonalidat hulandes ta un eksigensia.

Mas infomashon

Pa mas informashon tokante e vakatura, tuma kontakto ku Jerome Felida, telefòn: +31627119639.

Solisitut digital

Bo por manda bo Curriculum Vitae ku karta di motivashon pa: vacature@rijksdienstcn.com