ZJCN Konsehero di sosten sosial

HBO | Boneiru| 36 ora | Number di vakatura: P&O2024_012_017 | Fecha di klousura: 21 di yanüari 2025

Trasfondo

Dia promé di yanüari 2025, na Hulanda Karibense ta introdusí legislashon pa hasi sosten sosial (ainda mas) aksesibel pa nos habitantenan. E legislashon aki ta basá riba e Europees Nederlandse Wet maatschappelijke ondersteuning (Wmo 2015, Lei Oropeo Hulandes sosten sosial) pero ta konosé  diferensianan. Asina, responsabilidat pa ehekushon di sosten sosial na Hulanda Karibense, diferente for di na Hulanda Oropeo, no solamente ta kai bou di  Entidatnan Públiko na Boneiru, Saba i Sint Eustatius, sino pa un parti tambe bou di e direktiva di Kuido i Hubentut Hulanda Karibense (ZJCN). Meskos ku e munisipionan hulandes,  Entidatnan Públiko ta responsabel pa registrashon i  investigashon/kòmbersashon na mesa di kushina (kòmbersashon personal ku un ámtenar). Ademas  Entidatnan Públiko ta responsabel pa e oferta di fasilidatnan general i pa transporte. Registrashon pa un fasilidat personalisá lo pasa pa ZJCN. Nos ta evaluá e investigashon i, si ta nesesario, ta otorgá un desishon pa un fasilidat personalisá. Nos ta responsabel tambe pa kompra di e variashon di fasilidatnan personalisá.

Deskripshon di funshon

Komo konsehero di sosten sosial na ZJCN bo ta enbolbí tantu ku implementashon di e regulashonnan nobo komo ehekushon di esakinan. Di un banda bo ta responsabel pa atendé petishonnan pa fasilidatnan personalisá na e islanan di un manera ophetivo i independiente. Di otro banda bo ta duna un kontribushon na implementashon di proyektonan ku kua bo ta traha riba konstrukshon di e strukturanan i prosesonan di sosten sosial. Ademas bo ta traha den estrecho kolaborashon ku  Entidatnan Públiko. Bo ta sòru pa nan ta bon ekipá pa ehekutá nan tareanan, i huntu boso ta konstruí un bon tereno di sosten. Tambe bo ta aktua komo un katalisadó den un konteksto kaminda ainda tin hopi ku mester konstruí. Pues bo ta bai hasi trabou di pionero. Bo papel den e proyekto ta desaroyá su mes via e fase di implementashon pa un papel di maneho. E ora ei bo ta investigá problema i oportunidatnan i ta tuma sugerensia pa mehorashon. Ta di sumo importansia pa durante di e proseso aki bo tene kuenta ku e konteksto lokal i e nesesidatnan di e tres islanan. Tambe bo ta traha huntu estrechamente ku e kolaboradónan di maneho relevante, doñonan di kuenta i e konseheronan médiko den ZJCN pa sòru ku e maneho di ehekushon ta kuadra ku otro proseso di trabou, manera por ehèmpel kuido riba término largu. Bo ta analisá e oferta di fasilidatnan personalisá konhuntamente ku esun aktualmente disponibel i kuido riba término largu, pa asina por mehorá esaki. 

Tareanan di funshon

• Bo ta parti di e tim di proyekto ku ta responsabel pa implementashon di e regulashonnan tokante sosten sosial na Hulanda Karibense.
• Den e tim di proyekto bo ta hasi esfuerso pa fortalesimentu di e kolaborashon ku Entidatnan Públiko i e dunadónan di sosten sosial tantu na Boneiru, Sint Eustatius, komo na Saba. Bo ta yuda nan ku ehekushon di e regulashonnan i ta realisá un oferta amplio i koherente di fasilidatnan personalisá.
• Bo ta traha huntu ku koleganan interno pa optimalisá nos maneho di ehekushon interno tokante sosten sosial i sinkronisá esaki ku otro proseso i programa den ZJCN.
• Bo ta analisá, evaluá i huzga e investigashonnan den kua Entidat Públiko ta raportá tokante e petishon pa sosten di habitantenan i e habitante ku ta hasi un petishon pa un fasilidat personalisá.
• Bo ta monitòr i analisá nesesidat i eksperensianan di habitantenan i ta aktua proaktivamente pa sigui desaroyá e oferta aktualmente disponibel i fasilidatnan personalisá.   

Eksigensianan di funshon

• Un estudio kompletá na un nivel mínimo di HBO, preferiblemente den direkshon sosial;
• Bo tin preferiblemente eksperensia di trabou na un gobièrnu lokal riba tereno di sosten sosial;
• Bo ta bini di e region karibense òf bo por prueba di tin afinidat ku e region karibense;
• Bo ta dùrf tuma desishonnan i tuma inisiativa;
• Bo ta kurioso pa sa di otro kultura i opinion i ta fásil pa bo suich entre nan;
• Bo ta fleksibel i bo sa bon kon pa trata ku asuntunan ku ainda no ta eksistí un kuadro pe;
• Bo ta bon den traha huntu i konstruí i mantené un “netwerk” relevante ku diferente stakeholder;
• Bo ta disponé di un abilidat pa pensa krítiko i analítiko i bo tin e abilidat pa resolvé problema;
• Bo tin bon abilidat pa komuniká;
• Bo tin bon dominio di hulandes. Ingles i papiamentu ta un bentaha;
• Bo lokalidat di traha ta Boneiru, pero bo ta habrí pa periódikamente pasa periodonan mas largu na Saba i/òf Sint Eustatius.

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES;
• Un salario di akuerdo ku merkado den un skal inisial 10 i e skal di funshon 11, salario mensual mínimo $ 3.578,- i máksimo $ 5.319,-, ku un siman di trabou di 36 ora. klasifikashon ta basá riba konosementu i eksperensia;
• Un di diestres luna (8,33% di e salario, un mínimo di $ 1.750,- bruto);
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi basá riba un siman di trabou di 36 ora;;
• Un nombramentu temporal pa un aña, ku bista riba un nombramentu fiho a base di un di bon funshonamentu i un evaluashon positivo;
• Un areglo di mudansa si bo ta reakshoná for di den eksterior.

Prosedura

Un assessment, casus i/ òf chekeo di referensia por ta parti di e prosedura.

Ta habri e vakatura akí na mes momentu interno i eksterno kaminda ku ta tene kuenta ku e siguiente órden na momentu di selekshon:

• Personal ofisial di RCN na e islanan BES (interno);
• Habitante di e parti karibense di Hulanda (eksterno); 
• Sobrá kandidato (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun;
• Nashonalidat hulandes. 

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense tin su mes regulashonnan fiskal. Ta apliká un tasa di impuesto di 30,4% pa entrada riba e suma liber di impuesto ($ 21.373,-- na 2025); 
• Partisipashon den e fondo di penshun ta obligatorio, inkluyendo e suma di kontribushon personal pa esaki;
• Bo ta, òf bo ta bira, residente di Hulanda Karibense.

Mas informashon? 

Pa mas informashon tokante e vakatura bo por tuma kontakto ku Curvin George Hefe di Kuido via number di telefòn +599 795 1851.

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com