ZJCN Konsehero Finansiero pa nos departamento di Kuido i Bienestar

HBO/WO | Boneiru | 36 ora | Number di vakatura: P&O2024_09_019 | Fecha di klousura: 15 di òktober 2024

Deskripshon di e funshon

Traha na ZJCN ta nifiká ku bo ta kontribuí na kuido di salú i kuido di hóben na Hulanda Karibense. Esaki ta enserá maneho i implementashon den e áreanan di kuido di salú, kuido di hóben, bienestar i deporte.

E direktiva di Kuido i Hubentut di Hulanda Karibense ta buska un kolega entusiasmá pa e tim di konsehero finansiero. Bo ta drenta nos tim di tres konsehero finansiero i un kordinadó di konsehero finansiero. E tim finansiero kompleto ta konsistí tambe di tres empleado ku ta prosesá deklarashonnan i un empleado finansiero. Komo konsehero finansiero bo ta forma e sentro finansiero di e direktiva i huntu ku bo koleganan konsehero finansiero bo ta manehá e presupuesto total (mas o ménos €200 mion). Bo ta un konsehero finansiero eksperensiá ku ta kambia fásilmente entre finansa i maneho. Bo ta kapas pa duna bon konseho na e miembronan di e tim di maneho, e direktor i kontestá preguntanan di sala. aAlabes, bo no tin miedu tampoko pa paga fakturanan òf pone un proseso finansiero di trabou riba papel. Bo ta bon den sifra, pero bo ta konsiente tambe ku tin mas ku djis sifra. Bo por "duna bida" na e sifranan dor di kombertí un rapòrt finansiero den un historia pa e tim di maneho, di e direktiva òf bo koleganan di maneho. Bo ta e punto di kontakto pa bo koleganan riba tereno finansiero i bo ta yuda nan apliká e reglanan finansiero ku ta konta pa gobièrnu di Reino korektamente. Bo ta kolaborá i ta pensa riba solushon.

E tim di konseheronan finansiero ta responsabel pa:

• traha, monitòr i duna konseho riba e plan di gastu.
• duna kontribushon na e produktonan di presupuesto manera e konsepto di presupuesto, e promé i di dos presupuesto suplementario i e Lei Final.
• kompilá relatonan finansiero periódiko. Si bo ripara ku no ta ehekutá plannan na tempu, bo ta diskutí esaki ku bo koleganan i e tim di maneho.
• konsehá personal di maneho i tim di maneho riba uso efisiente i efektivo di rekursonan di polítika i posibel riesgo finansiero.
• evaluá i duna konseho riba intenshon di maneho, invershon, presupuesto i kuenta anual di institutonan (di kuido di salú) na CN.
• konsehá koleganan riba e eskoho korekto di instrumentonan finansiero manera deskribí den e Reglamento di Presupuesto Nashonal.
• duna konseho riba i ta enbolbí den e proseso di duna benefisionan spesial na instansianan públiko pa ehekushon di tareanan den áreanan manera salú públiko, hubentut, deporte i sosten sosial.
• garantisá un konekshon korekto entre e vários atministrashonnan na VWS i RCN. E diseño i implementashon di aktividatnan di kontrol interno.

Ademas, e tim ta:

• punto di kontakto pa, entre otro, Direktorado di Asuntunan Ekonómiko Finansiero, Rijksdienst Caribisch Nederland, Servisio di Oudit di Gobièrnu di Reino i koleganan finansiero di otro direktorado i departamentonan.
• enbolbí huntu ku un ofisial di maneho den kontenido i proseso for di kuminsamentu te finalisashon di tantu prosesonan di kompra komo prosesonan di supsidio.

Nos ta determiná bo tareanan prinsipal spesífiko den konsulta mutuo.

Ministerio di Salubridat, Bienestar i Deporte

Kuido i Hubentut Hulanda Karibense ta un direktorado den Ministerio di Salubridat, Bienestar i Deporte. Hulanda salú i bon: esei ta e lema di Ministerio di Salubridat, Bienestar i Deporte (VWS). E lema di ZJCN ta kuido konfiabel, hustu i aksesibel, esaki nos ta garantisá bo!

Direktorado di Kuido i Hubentut Hulanda Karibense

Parti di Direktiva di Kuido i Hubentut Hulanda Karibense ta situá na Den Haag, , pero e gran mayoria ta na Boneiru Tin alrededor di 75 kolega ta traha na Boneiru, Saba i Sint Eustatius, i alrededor di 25 kolega na Den Haag. Pa medio di konferensianan di video i biahenan di trabou nos ta purba traha komo un tim di maneho, no opstante distansia i diferensia di ora. E maneho ta e punto di kontakto den VWS tantu pa Hulanda Karibense, e paisnan Korsou, Aruba i Sint Maarten komo otro departamentonan, manera Ministerio di Interior i Relashonnan den Reino. Den e último añanan a tuma pasonan pa mehorá kuido di salú i kuido di hóbennan na Hulanda Karibense, pero ainda tin hopi reto nos dilanti. Failnan relashoná ku sosten sosial, kuido di hende grandi, kuido di salubridat públiko ta djis algun di e tópikonan kayente riba e islanan. I no lubidá e maneho di krísis!

Kompetensianan

• Abilidat pa networking
• Kreatividat
• Kolaborá
• Konsiente di esnan/sistema rònt di bo
• Servisio dirigí riba kliente
• Analítiko
• Empatia

Eksigensianan pa e funshon 

• Un estudio di atministrashon di negoshi òf finansa na nivel hbo/wo, kompletá;
• Preferiblemente bo tin eksperensia ku e siklo di planifikashon i kontrol den un organisashon di gobièrnu
• Mínimo 2 aña di eksperensia laboral den e área di asesoramentu finansiero, preferiblemente den e sektor di kuido di salú òf gobernashon lokal;
• Bon abilidatnan di komunikashon i di duna konseho;
• Tin konekshon ku e islanan ta un gran bentaha;
• Idiomanan: Hulandes, Ingles i Papiamentu (o ta dispuesto pa siña).

Kiko nos ta ofresé?

• Un nombramentu di akuerdo ku e Posishon Hurídiko di funshonarionan públiko BES;
• Un salario konforme e merkado, den skal inisial 10 i skal di funshon 11, di minimal $3.525,- i maksimal $5.240 pa luna mará na un siman di trabou di 36 ora. Klasifikashon ta basá riba konosementu i eksperensia;
• Sèn di vakashon (8,33% di e salario anual);
• Un di diestres luna (8,33% di e salario anual, ku un mínimo di $1.750,- bruto);
• Un areglo di penshun akomodá bou di Pensioenfonds Caribisch Nederland (PCN);
• 168 ora di vakashon pa un siman laboral di 36 ora;
• Un nombramentu temporal pa un aña ku bista riba nombramentu fiho a base di un bon funshonamentu i evaluashon positivo;
• Un areglo di mudansa si bo ta reakshoná for di den eksterior.

Prosedura

• E promé ronda di entrevista lo tuma lugá dia 25 di òktober
• Ta habri e vakatura akí na mes momentu interno i eksterno. Den kaso di kapasidat igual kandidatonan interno tin preferensia;
• Un evaluashon, entrevista i/òf kontrol di referensia por ta parti di e prosedura.

Eksigensianan pa e nombramentu

• Un deklarashon tokante kondukta (VOG);
• Un eksaminashon médiko pa atmishon den e fondo di penshun;
• Nashonalidat hulandes.

Bon pa sa esaki pa esnan interesá ku ta biba pafó di Hulanda Karibense

• E salario ta na dòler estadounidense, e moneda ofisial di Hulanda Karibense;
• Hulanda Karibense tin su mes regulashonnan fiskal. Ta apliká un tasa di impuesto di 30,4% pa entrada riba e suma liber di impuesto ($ 20.424,- na 2024);
• Partisipashon den fondo di penshun ta obligatorio, inkluyendo e suma di kontribushon personal pa ku esaki;
• Bo ta habitante òf lo bira habitante di Hulanda Karibense.

Mas informashon?

Pa mas informashon tokante di e vakatura por tuma kontakto ku Luca Messina, konsehero finansiero, Direktorado Kuido i Hubentut Hulanda Karibense, Ministerio di Salubridat, Bienestar i Deporte
Detayenan di kontakto: +31 650603721 / ld.messina@minvws.nl

Solisitut digital

Bo por manda bo curriculum vitae ku motivashon pa vacature@rijksdienstCN.com