ZJCN Konsehero Médiko Seniòr

E organisashon

ZJCN ta e direktorado den e ministerio di Salubridat Públiko, Bienestar i Deporte (VWS) ku ta enkargá ku kuido di salú i kuido di hubentut na Hulanda Karibense. Un parti di e direktorado ta situá na Den Haag, pero e gran mayoría ta basá na Boneiru. Pa medio di video konferensia i bishita di trabou, nos ta trata di traha berdaderamente komo ún direktorado, apesar di e distansia i diferensia di ora. Kontrario na Hulanda Europeo, VWS mes ta ehekutá e seguro di kuido i e kuido di hubentut na Hulanda Karibense. Ku esei, e direktorado no ta responsabel solamente pa maneho i legislashon, sino tambe pa e ehekushon mes.

E departamentu

Kuido i Hubentut Hulanda Karibense ta ehekutá e desishon Zorgverzekering BES (Seguro di Kuido BES) pa e Ministerio di Salubridat, Bienestar i Deporte. Zorgverzekering BES ta sigurá e abitantenan di Hulanda Karibense pa kuido médiko i kuido riba término largu. ZJCN tin brènch riba tur tres isla di Hulanda Karibense (Saba, Sint Eustatius i Boneiru).

E lema na Hulanda Karibense ta: Konfiabel, hustu i aksesibel.
E departamento Servisio na Asegurado ta enfoká riba kuido pa e aseguradonan. Aseguradonan mester haña e kuido ku nan tin derecho riba dje di un banda, i di otro bando, legitimidat i efikasia di kuido ta mes importante. Ademas, e departamento ta responsabel pa konseho di kontenido médiko i vigilansia di kalidat di e kuido. E departamento ta konsistí di un Hefe di Servisio na Asegurado, un Lider di tim, dos Konsehero Médiko i dos Asistente Médiko. Komo Konsehero Médiko, bo ta evaluá e demandanan i efikasia di diferente tipo di kuido. Pa kuido ku no por suministrá na e islanan mes, aseguradonan ta dependé di kuido den e region i den eksterior.

Deskripshon di funshon

Komo konsehero médiko seniòr na ZJCN bo ta e konekshon entre maneho, kompra i kuido médiko. Bo tareanan ta hopi diverso i ta move entre e nivel micro, kaminda ku bo ta evaluá kasuístika di aseguradonan, nivel meso, kaminda ku bo ta dediká bo mes entre otro ku (ko)-desaroyo di maneho di kalidat i kompra di kuido di ZJCN.

Riba nivel macro por pidi bo pa aportá na yuda pensa riba desaroyo di maneho riba tereno dikuido (infrastruktura) pa habitantenan di islanan BES.

Komo konsehero médiko seniòr bo tin un ròl di kordinadó i ‘coaching’ den e tim i bo ta kordiná repartishon di tareanan ehekutivo ku e miembronan di tim.

Disponibel parti anochi, mardugá i wikènt komo sosten den kaso di urgensia pa e kolaboradónan di pikèt ta kai bou di e tareanan. Ta repartí e turnonan bou di e konseheronan médiko.

Tareanan di funshon

• Bo ta evaluá petishonnan promé ku suministro (kuido médiko/paramédiko/ farmasétiko) a base di legalidat i efektividat;
• Bo ta mantené kontakto ku dunadónan di kuido tokante kuido sigurá, petishonnan di suministro i kasuístika individual;
• Bo ta kontribuí di forma pro-aktivo na desaroyo di sistemanan di informashon;
• Bo ta konsehá riba propio inisiativa òf petishon riba tereno di kompra i kuido;
• Bo ta señala desaroyo nobo riba tereno di kuido sigurá i ta tradusí esaki den konseho konkreto pa e tim di maneho;
• Bo ta konsehá i ta vigilá kalidat, i efektividat di kuido den nos area di trabou;
• Bo ta traha independientemente i bo sa na ki momentu bo tin ku baha òf subí nivel di eskalashon;
• Bo ta dispuesto pa hasi diskutibel loke ku bo ta señalá komo punto di mehorashon.

Eksigensianan di e funshon

• Bo tin un estudio universitario (WO) finalisá den Medisina; preferibelmente registrá komo arts M&G (Maatschappij & Gezondheid) òf por lo menos ku un registrashon di profil B&A (Beleid & Advies) òf I&A (Indicatie & Advies). Bo tin mínimo 5 aña di eksperensia laboral den un funshon semehante;;
• Konosementu di desaroyonan den kuido di salubridat;
• Eksperensia ku tradusí un vishon den proposishon di maneho práktiko; 
• Konosementu di lei i regulashon (lokal) relevante, òf dispuesto pa haña esaki; 
• Afinidat ku problema ekonómiko i finansiero den e sektor di kuido, i ku trahamentu ku i análisis di dato estadístiko; 
• Abilidatnan komunikativo i sosial ekselente;
• Abilidat ekspresivo ekselente, ferbal i por eskrito na hulandes i ingles;
• Bon abilidat komunikativo na papiamentu i spañó ta un bentaha.

Kompetensianan

• Traha huntu;
• Flèksibel;
• Orientashon riba kliente;
• Kouteloso;
• Íntegro;
• Empatia;
• Formashon di huisio;
• Independiente i kapas pa tuma desishon.

Loke nos ta ofresé

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 12/ skal di funshon 13, salario mensual mínimo $ 5.066,- i máksimo $ 7.159,- ku un siman di trabou di 36 ora pa siman. Klasifikashon a base di konosementu i eksperensia;

• Sèn di fakansi (8,33% di e entrada anual);
• Un di diestres luna (8,33% di e entrada anual);
• Kompensashon di vitalidat;

• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;

• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Melissa Arias, Hefe di Kuido i Servisio ZJCN, via mr.arias@minvws.nl òf Melisa.Arias@zorgverzekeringskantoor.nl.  

Solisitut digital

Bo por manda bo Curriculum Vitae ku motivashon pa: vacature@rijksdienstcn.com.