ZJCN Konsehero Sosten Sosial Senior

E organisashon

Kuido i Hubentut Hulanda Karibense (ZJCN, Zorg en Jeugd Caribisch Nederland) ta parti di e Ministerio di Salubridat, Bienestar i Deporte (VWS) i ta enbolbí ku kuido di salubridat i kuido pa hóben na Hulanda Karibense. Diferente for di na Hulanda Oropeo, na Hulanda Karibense ZJCN tambe ta responsabel pa ehekushon di e seguro médiko i e kuido pa hóben na Hulanda Karibense. E direktiva no solamente ta responsabel pa maneho i legislashon, sino tambe pa e ehekushon diario.

Trasfondo

For di promé di yanüari 2025, a implementá regulashon nobo na Hulanda Karibense tokante sosten sosial (MO). Diferente for di na Hulanda Oropeo, e Entidatnan Públiko i direktiva di ZJCN tin un responsabilidat konhunto pa ehersé esaki. E Entidatnan Públiko ta responsabel pa registrashon, investigashon i konseho tokante un fasilidat na midí. Ademas, e Entidatnan Públiko tin e responsabilidat pa e oferta den e fasilidatnan di kuido na nivel di komunidat. Ora un fasilidat na midí ta nesesario, ZJCN ta responsabel pa evaluashon di e konseho i e desishon. ZJCN tambe tin e responsabilidat pa e oferta di fasilidatnan na midí.

E konsehero sosten sosial senior ta parti di un tim di kolaboradó di maneho ku ta traha riba diferente tópiko di maneho den e dominio sosial i den salubridat públiko na e islanan. E direktiva di ZJCN ademas ta responsabel pa maneho i ehekushon di e seguro médiko públiko i e kuido pa hóben di e di dos linia. 

Deskripshon di funshon

Komo konsehero sosten sosial senior serka ZJCN, huntu ku bo kolega konsehero MO, bo ta responsabel pa ehekushon di e tareanan klave di ZJCN den e sosten sosial. Bo ta responsabel pa e oferta di fasilidatnan na midí, i bo ta manehá diferente kuenta propio, i ta fungi komo punto di kontakto MO pa bo koleganan account manager, i bo ta responsabel pa desaroyo mas aleu i mehorashon di e oferta. Ademas bo ta traha riba implementashon mas aleu di regulashon relativamente nobo dor di desaroyá maneho di ehekushon, mehorá prosesonan, i yuda e Entidatnan Públiko pensa kon nan por duna kontenido mas aleu na e fasilidatnan di kuido na nivel di komunidat. P’esei, bo ta traha huntu estrechamente ku kolaboradónan di maneho relevante den e direktiva, i ademas ta vigilá e koherensia ku otro tópikonan den ZJCN, manera e kuido di durashon largu. Finalmente, bo ta fungi komo back-up pa evaluashon di aplikashonnan pa fasilidatnan na midí i, a base di un prinsipio di 4 wowo, bo ta yuda lesa e rechasonan (parsial).

Bo ta enbolbí komo konsehero senior tantu ku ehekushon di regulashon tokante sosten sosial komo desaroyo mas aleu di maneho i e oferta di fasilidatnan a base di e resultadonan for di e ehekushon. Ademas, lo bo mester tene kuenta kontinuamente ku e konteksto lokal úniko i e nesesidatnan di kada isla. Esaki ta pidi pa bo tin konosementu di e kontenido, pero tambe e kapasidat pa skucha, uni, kambia, i pa, tantu internamente komo eksternamente, konvensé i haña sosten di bo stakeholdernan pa esaki.

Tareanan di funshon

• Bo ta hasi esfuerso pa mehorá i fortifiká e kolaborashon ku e Entidatnan Públiko i e dunadónan di sosten sosial tantu na Boneiru, Sint Eustatius komo Saba. Bo ta yuda nan ehersé nan tareanan, i pa konhuntamente  sòru pa un oferta amplio i koherente di sosten sosial;
• Ademas, internamente bo ta traha huntu ku kolaboradónan di maneho enbolbí i account managernan di ZJCN riba mehorashon di e oferta di fasilidatnan na midí i optimalisashon di e maneho di ehekushon di sosten sosial, ku ta sinkronisá riba otro prosesonan interno den ZJCN.
• Bo ta sòru di konektá sosten sosial ku otro dominionan di kuido manera kuido di promé liña, kuido di durashon largu, i kuido di salú mental.
• Komo back-up i a base di un prinsipio di 4 wowo, bo ta enbolbí ku análisis, prueba i evaluashon den e kuadronan di e regulashon tokante sosten sosial di aplikashonnan individual di klientenan pa fasilidatnan na midí;
• Bo ta analisá e aplikashonnan pa fasilidatnan na midí, i – huntu ku account managernan – ta kompilá eksperensianan di kliente, pa despues señalá ki posibilidatnan tin pa mehorá kalidat i oferta di fasilidatnan na midí na Hulanda Karibense.
• Ademas bo ta monitòr e ehekushon i, a base di esaki, mehorá e prosesonan di trabou interno i eksterno, di moda ku siudadanonan ta haña apoyo optimal ku un aplikashon pa sosten sosial.

Eksigensianan di funshon

• Minimalmente un estudio kompletá na nivel hbo, preferiblemente ku un enfoke sosial i riba sosiedat;
• Preferiblemente, bo tin eksperensia ku trabou serka un gobièrnu lokal riba tereno di sosten sosial;
• Bo ta bini di e region karibense òf por proba di tin afinidat ku Karibe;
• Bo ta riska tuma desishon i tuma enkargo;
• Bo ta fleksibel i bo sa kon pa, den un konteksto úniko, yega na solushonnan ku ta kuadra;
• Bo por traha huntu bon i desaroyá i mantené un ret relevante ku diferente stakeholder;
• Bo ta dispone di un kapasidat di reflekshon kritiko i analítiko i bo tin e kapasidat pa solushoná problema;
• Bo tin bon habilidatnan komunikativo;
• Ta un bentaha si bo ta papia hulandes i ingles i papiamentu bon;
• Bo lugá di trabou ta Boneiru, pero bo ta habrí pa un estadia na Saba i/òf Sint Eustatius ku sierto regularidat.

Kiko nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 11 / skal di funshon 12 di mínimo $ 4.338,- i máksimo $ 6.340,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada mensual bruto);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo di mudansa pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko relashoná ku registrashon obligatorio na e fondo di penshun (ku kontribushon propio)
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon? 

Pa mas informashon tokante e vakatura bo por tuma kontakto ku Jantine Homanmimebro di tim di maneho dominio sosial +31 6 469 496 75 òf meil jm.homan@minvws.nl.

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com