ZJCN Profeshonal pa kuido di hóben

HBO | Boneiru | 36 ora | Number di vakatura: HRM2026_02_008 | Fecha di klousura: 3 di mart 2026

Deskripshon di funshon

Komo profeshonal pa kuido di hóben, bo ta implementá e òrdu di protekshon di mucha imponé pa korte i ta ofresé un rango amplio di sosten na famianan (di kriansa). Huntu ku mayornan òf dunadónan di kuido, bo ta desaroyá un plan di akshon pa atendé e menasa pa desaroyo di e mucha.  Bo ta hasi esaki dor di sostené mayornan den edukashon, hasi bishita na kas, i organisá i kordiná e asistensia i kuido nesesario na kas.  Mester vigilá e seguridat di e mucha i, si ta nesesario, ta rekerí intervenshon aktivo.  Bo ta hasi esaki dor di tuma enkargo.

Organisá i kordiná kuido di kriansa tambe ta parti di bo responsabilidatnan, si esaki ta nesesario pa garantisá seguridat di e mucha. Konstruí i mantené un ret profeshonal ku ekspertonan i dunadónan di kuido relevante tambe ta parti di bo tareanan.

Tareanan di e funshon

• Bo ta responsabel pa ehekutá e plan di akshon dor di guia i sostené e famia aktivamente;
• bo ta hasi uzo di vários método di tratamentu i sosten adaptá na e nesesidatnan spesífiko, situashon di problema, òf medida imponé;
• Bo ta intermediá den situashonnan ku ta enserá konflikto (entre e hóben, e sistema di kliente, i/òf e partidonan enbolbí);
• Den kasonan di sirkunstansia fòrsá, bo ta obligá mayor i yunan enbolbí, si ta nesesario, pa sigui e plan di akshon i e rekomendashonnan duná;
• Bo ta duna informashon, edukashon i konseho na mayornan riba desaroyo i edukashon;
• Bo ta duna entrenamentu i sosten di edukashon dirigí riba desaroyá abilidatnan sosial i práktiko.

E organisashon

Pa Kuido i Hubentut Hulanda Karibense ta pone seguridat di e mucha ta pará sentral. Si un mucha ta keda menasá den su desaroyo, ZJCN tin e tarea pa pèrkurá pa un ambiente sigur pa e mucha por desaroyá den un ambiente protehá.  E maneho di Hubentut na Hulanda Karibense tin dos nivel di gobernashon: entidatnanpúbliko ta prinsipalmente responsabel pa prevenshon i asistensia di promé liña I Ministerio di Salubridat, Bienestar i Deporte ta responsabel pa kuido di hóbennan di dos i di tres liña i ta enbolbí den nesesidatnan di kuido múltiple i kompleho, kuido di kriansa, i e implementashon di tutela di famia.

Kompetensianan

• Kolaborashon;
• Enfoke riba kliente;
• Planifiká i organisá;
• Integridat/konfiabilidat;
• Abilidat analítiko;
• Forsa persuasivo;
• Orientá riba resultado.

Eksigensianan di e funshon

• Bo tin un estudio profeshonal superior (HBO) den trabou i servisio sosial òf sosten pedagógiko sosial;
• Bo tin eksperensia amplio den kuido di hóben, preferiblemente komo tutor di famia òf trahadó di kuido ambulante;
• Bo tin un bon dominio di Papiamentu i Hulandes por eskrito i verbal;
• Bo ta familiar ku leinan i regulashonnan relevante, métodonan di trabou i prosesonan;
• Bo ta konosí ku e protokòlnan (legal) i guianan pa e implementashon di medidanan relashoná ku òrdu di supervishon i libertat kondishonal hubenil;
• Bo tin sufisiente abilidatnan di komunikashon pa mantené kontakto informativo ku mayornan/famia (di kriansa), skolnan, instansianan eksterno, i mas.

Loke nos ta ofresé?

• Un nombramentu a base di e Rechtspositiebesluit ambtenaren BES (Desishon di posishon hurídiko di ámtenar di BES);
• Un salario konforme merkado den skal inisial 9 òf skal di funshon 10, salario mensual mínimo $ 3.293,- i máksimo $ 4.900,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Un kompensashon di vitalidat;
• Un areglo di penshun akomodá na Pensioenfonds Caribisch Nederland (PCN);
• 182 ora di fakansi ku un siman di trabou di 36 ora;
• Un nombramentu temporal pa un aña, ku bista riba un nombramentu fiho den kaso di bon funshonamentu i un evaluashon positivo;
• Un areglo pa muda pa kandidato ku ta reakshoná for di den eksterior.

Prosedura

Un assessment, casus i/ òf chekeo di referensia por forma parti di e prosedura.
Ta habri e vakatura internamente i eksternamente na mes momentu. Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluso un kontribushon propio na esaki);
• Nashonalidat hulandes.

Bon pa sa pa interesado pafó di Hulanda Karibense

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 29,4% riba un suèldu riba e montante liber di impuesto ku ta $21.956,- den 2026, te un suèldu di $53.198,-. Den e di dos grupo di impuesto un tarifa di impuesto di 38,4% ta na vigor.
• Bo ta, òf bo ta bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Fransyella Janga, Lider di Tim Kuido pa Hóben, e-mailadres fransyella.janga@jeugdzorgcn.com

Solisitut digital

Bo por manda bo Curriculum Vitae ku bo motivashon pa: vacature@rijksdienstCN.com