ZJCN Sientífiko di kondukta

Bo ta un kolega determiná ku por aktua adekuadamente? Bin traha serka nos!

WO|Boneiru|39,5 ora| P&O2020_07_007 | Fecha di klousura: 12 di ougùstùs 2020

Den e funshon komo sientífiko di kondukta bo ta guia i sostené profeshonalnan pa hóben di e unitnan ayudo ambulante, guia di famia i kuido di yu di kriansa, den ehekushon di nan tareanan. Si ta nesesario bo mes tambe ta mantené kontakto ku e sistema di kliente. E asistentenan sosial ambulante ta duna ayudo sosial metódiko pa medio di sosten edukashonal den situashon na kas na mayor- i nan yunan kaminda tin asuntu di problemanan serio edukashonal i di desaroyo. E tutornan di famia ta ofresé guia den kuadro di ponementu bou di supervishon di parti di wes.

Huntu ku e profeshonalnan pa hóben bo ta formulá e trayektonan di guia i bo ta vigilá nan progreso. Riba nivel di kasonan práktiko bo ta mantené kontakto ku otro organisashonnan riba e islanan ku ta embolbí/traha ku hóbennan. Den kuadro di aktividatnan preventivo bo ta desaroyá i kordiná programanan di sosten edukashonal personalisá i bo tin un ròl aktivo ora di ehekutá nan.

E organisashon

Kuido i Hóben Hulanda Karibense (ZJCN) ta enfoká riba kuido pa e mucha ku ta ser menasá den den su desaroyo, di manera ku ta kumpli ku e kondishonnan esensial di siguridat i kondishonnan di desaroyo. ZJCN ta hasi esei tantu den e kuadro boluntario komo obligatorio.

Maneho pa hóben na Hulanda Karibense konosé dos gobernashon: e entidatnan públiko ta esnan promé responsabel pa prevenshon i ministerio di Salubridat, Bienestar i Deporte (VWS) ta responsabel pa e kuido pa hóben mas pisá i ehekushon di guia di famia.

Bo abilidatnan

  • Abilidat sosial
  • Formashon di huisio
  • Abilidat ekspresivo (verbal/por eskrito)
  • Kapasidat analítiko
  • Motivá i stimulá
  • Konosementu

Eksigensianan di e funshon

  • Bon tin nivel di traha i pensa akadémiko riba e área di (orto)pedagogia i/òf sikologia (di desaroyo)
  • Bo tin bon dominio di hulandes i ingles verbal i por eskrito, papiamentu ta un eksigensia
  • Bo tin eksperensia di trabou amplio komo pedagogo/sikólogo, preferiblemente kombiná ku eksperensia práktiko den trahamentu ku e grupo di enfoke. Eksperensia den trahamentu ku personanan ku un desabilidat mental leve ta un bentaha
  • Bo tin amplio abilidatnan relevante verbal i por eskrito pa guia deliberashonnan tokante kasonan, kontaktonan terapéutiko i reportahenan di kliente
  • Bo ta fleksibel relashoná ku biahamentu entre e islanan
  • Bo tin un mentalidat di ‘hands on’, bo ta kreativo i por pensa ‘out of the box’

Loke nos ta ofresé

  • Un salario konforme merkado, den skal inisial 10 i skal 11 di e funshon di minimal $ 2.967,- i maksimal $ 4460,- bruto pa luna pa un siman di trabou di 39,5 ora. Klasifikashon ta a base di konosementu i eksperensia
  • Un di 13 luna di 8,33% di e salario bruto i mínimalmente $ 1.750
  • Pago di plaka di fakansi; 8,33% di e salario
  • Un bon areglo di penshun ku ta poné bou di PCN
  • Posibilidatnan interno di formashon
  • 184 ora di fakansi (a base di un siman di trabou di 39,5 ora)
  • Un nombramentu temporal pa 1 aña ku bista riba un nombramentu fiho a base di leinan di BES
  • Un areglo di mudansa si bo ta reakshoná for di den eksterior

Eksigensianan di nombramentu

  • Ta eksigensia ku mester por presentá un deklarashon tokante kondukta (VOG) i un saminashon médiko
  • Un assessment por forma parti di e prosedura di selekshon
  • Pa bin na remarke pa un funshon na Rijksdienst Caribisch Nederland, nashonalidat hulandes ta un eksigensia

Pa mas informashon tokante e vakatura

Nòmber        : Jenny Pourier, Koordinadó Kuido pa Hóben
Telefòn         : + 599 781 0055

Solisitut digital

Bo por manda bo Curriculum Vitae ku motivashon pa: vacature@rijksdienstCN.com