ZJCN Telefonista/ Resepshonista

MBO | Boneiru | 36 ora | number di vakatura P&O2025_05_018 | Fecha di klousura: 17 di yüni 2025

Komo telefonista/resepshonista, bo ta e promé punto di kontakto pa nos bishitantenan/klientenan. Bo ta duna bon biní na tur hende ku bishitá nos, kontestá nan preguntanan i referí nan na e persona korekto.

Komo telefonista/resepshonista, bo ta skucha pregunta i deseonan di e kliente bon pa por yuda nan di un manera korekto i pa por duna nan e informashon korekto. Bo tin un aparensia positivo i un personalidat trankil. Bo ta traha ku presishon i bo sa kon pa manehá datonan privá di nos klientenan. Bo ta tuma inisiativa i bo ta dispuesto na duna sosten kaminda ku ta nesesario.

Bo tin bon konosementu atministrativo i ekselente abilidat komunikativo. Bo ta orientá riba servisio pero tambe bo sa kon pa indiká bo límite.

Tareanan di funshon:

• Bo ta atendé kliente/bishitantenan dor di tuma nan pregunta, petishon i modifikashon;
• Bo ta referí klientenan na e wèpsait pa e formularionan korekto i areglo di kuido;
• Bo ta sòru pa entregá prueba di seguro na e aseguradonan;
• Bo ta sòru pa pasa modifikashon atministrativo di e asegurado pa departamentu di atministrashon di aseguradonan;
• Bo ta prosesá yamada di telefòn ku drenta i konektá nan;

Otro:

• Bo ta ehersé trabounan ligá ku e funshon i bo hefe por enkargá bo ku otro trabounan relevante.

Organisashon

Kuido i Hubentut Hulanda Karibense (ZJCN) ta pone seguridat di mucha sentral. Si agredí un mucha den su desaroyo, ZJCN tin komo tarea (obligashon òf preshon) di sòru pa un ambiente di bida seif pa asina e mucha por desaroyá den un ambiente protehá. E maneho di hubentut na Hulanda Karibense konosé dos gobièrnu: e entidatnan públiko ta prinsipalmente responsabel pa prevenshon i yudansa di promé liña i e ministerio Ministerio di Salubridat, Bienestar i Deporte (VWS) ta responsabel pa kuido di hóben di dos i terser liña ku ta inkluí lo siguiente: múltiple petishon pa yudansa mas kompleho, kuido di kriansa i ehekushon di tutela di famia.

Kompetensianan:

• Traha huntu;
• Orientashon riba kliente;
• Integridat/konfiabilidat;
• Eksaktitur;
• Abilidat komunikativo;
• Representabel.

Eksigensia di funshon:

• Bo tin nivel di trabou i di pensamentu MBO;
• Bon dominio di Papiamentu, Hulandes, Ingles i Spaño;
• Bo tin konosementu di e organisashon i konaktonan funshonal di e ofisina di kuido (partikularmente aseguradonan);
• Bo tin eksperensia pa atendé ku kliente na telefòn orientá riba servisio i kliente.

Loke ku nos ta ofresé:

• Un salario konforme merkado den skal inisial 4 i skal di funshon 5, salario mensual mínimo $ 1.842,- i máksimo $ 2.741,- ku un siman di trabou di 36 ora. Klasifikashon a base di konosementu i eksperensia;
• Sèn di fakansi (8,33% di e entrada anual);
• Un di diestres luna (8,33% di e entrada anual);
• Kompensashon di vitalidat;
• Un bon areglo di penshun akomodá na Pensioenfonds Caribisch Nederland PCN;
• 182 ora di fakansi (basá riba un siman di trabou di 36 ora);
• Un nombramentu temporal pa un aña, ku perspektiva pa un nombramentu fiho si bo funshoná bon i tin un resultado di evaluashon positivo.
• Un areglo pa mudansa pa kandidato ku ta reakshoná for di eksterior.

Prosedura

Un assessment, casus i/ òf chekeo di referensia por forma parti di e prosedura.
Den e selekshon lo tene kuenta ku e siguiente órden:

• Personal ofisial di RCN na e islanan BES (interno);
• Habitante di e parti karibense di Hulanda (eksterno);
• Otro kandidatonan (eksterno).

Eksigensianan di nombramentu

• Un deklarashon tokante kondukta (VOG);
• Un saminashon médiko na fabor di atmishon den e fondo di penshun (Partisipashon den e fondo di penshun ta obligatorio, inkluyendo e suma di kontribushon personal pa esaki);
• Nashonalidat hulandes.

Bon pa sa pa interesado pafó di Hulanda Karibense:

• E salario ta na dòler merikano, e moneda ofisial di Hulanda Karibense;
• Hulanda Karibense konosé su propio reglanan di impuesto. Ta kobra impuesto di 30,4% riba un suèldu riba e montante liber di impuesto ku ta $21.373,- den 2025, te un suèldu di $51.250,-. Den e di dos grupo di impuesto un tarifa di impuesto di 35,4% ta na vigor.
• Bo ta, òf lo bira, residente di Hulanda Karibense.

Mas informashon?

Pa mas informashon tokante e vakatura bo por tuma kontakto ku Sulay Lau, Lider di Tim Servisio i Kuido, Telefòn: + 599 795 2024

Solisitut digital

Bo por manda bo Curriculum Vitae ku bo motivashon via e-mail pa: vacature@rijksdienstCN.com