Tutor temporal

Un yu menor di edat por bandoná Boneiru pa su estudio pa bai biba den eksterior sin su mayor(nan), ku ta karga outoridat, por ehemplo na Hulanda òf na Kòrsou.

Òf e mayor(nan) ku ta karga outoridat, ta bandoná e isla i laga e yu atras den kuido di un otro. Den e kaso ei e mayornan ta obligá pa asigná un hende ku ta tuma over e responsabilidat, kuido i formashon di e yu, for di nan: un tutor temporal. Un tutor temporal ta ehersé aktuashonnan ofisial na nòmber di e menor di edat, manera firmamentu di dokumentonan importante. Tambe e tutor temporal ta manehá e finansa.