Prosedimentu di petishon pa tutor temporal

Esun ku ta entre 18 i 65 aña di edat, por bira tutor temporal. Si bo konosé un hende ku ta dispuesto pa bira tutor temporal, abo komo mayor ku outoridat, por entregá un petishon ku tur datonan di e persona konserní (nòmbernan kompleto, direkshon, numbernan di telefòn i informashon tokante di su situashon di bibienda) serka Voogdijraad BES.

  • Despues di risibí bo petishon e informashon ta wòrdu evaluá i tuma den tratamentu.
  • E Voogdijraad ta puntra e Voogdijraad di Kòrsou, Aruba òf Sint Maarten/Konseho di Protekshon di mucha Hulanda pa hasi un investigashon riba e persona ku ke wòrdu enkargá ku e tutor temporal.
  • Si no haña opheshonnan, e futurotutor ta wòrdu puntrá pa firma un deklarashon den kua e ta di akuerdo pa fungi tutor temporal.
  • Despues di finalisá e investigashon e Voogdijraad di Kòrsou, Aruba òf Sint Maarten / Konseho di Protekshon di mucha Hulanda, ta manda e resultadonan di e investigashon i e deklarashon pa e Voogdijraad na Hulanda Karibense. Tambe ta avisá si ta den e bienestar di e menor ku e bai establesé su mes serka e tutor temporal na Hulanda.
  • Si e petishon ta kumpli ku tur rekisitonan, esaki ta nifiká ku e resultado di e investigashon ta positivo. Bo ta wòrdu invitá despues serka e Voogdijraad BES pa wak den e rapòrt di investigashon. Ora ta trata di un konseho positivo, bo mester firma un deklarashon ku bo ta bai di akuerdo pa wòrdu suspendé for di bo outoridat di mayor. Despues bo ta haña tur e dokumentonan i bo por entregá esakinan na Korte.  
  • E korte lo planeá un seshon. Despues ku e hues a duna sentensia, bo ta haña un dokumento; un disposishon, ku e sentensia aden. Ku e disposishon ei e tutor temporal por atendé e interesnan di bo yu menor di edat.
  • Na Hulanda e Konseho pa e Protekshon di mucha, ta kontrolá, despues di tres luna, si tur kos ta bai bon ku e mucha ku a bin biba na Hulanda.

Entrega di un petishon

Pa por regla tur kos na tempu, e Voogdijraad BES ta avisá bo pa entregá bo petishon serka un di e lokalidatnan di e Voogdijraad BES, algun luna promé ku e fecha di salida di bo yu. Bo por pasa durante:

Oranan di konsulta riba djamars i djaweps
di 9 or di mainta te 11 or di mainta.

Direkshon
Voogdijraad BES – lokalidat Boneiru – Kaya Italia 10
Voogdijraad BES – lokalidat Sint Eustatius – H.M. Koningin Beatrix Straat 14 A
Voogdijraad BES – lokalidat Saba – Paris Hill Road

Ken por entregá e petishon aki?
E mayor(nan) ku ta karga outoridat

Kiko bo mester trese ku bo?
Sédula i buki di famia