Maneho di biodiversidat marino
Hulanda Karibense ta konsistí di tres isla chikí pero ta akapará na mes momentu un área grandi di laman di en total 25.000 km2, e asina yamá ‘Exclusieve Economische Zone’, EEZ (Zona Ekonómiko Eksklusivo). E área aki, huntu ku e EEZ rònt di Kòrsou, Aruba i St. Maarten, ta forma e EEZ di Reino den laman Karibe. E EEZ di Hulanda Karibense ta designá komo e Yarari-reserva pa mamífero di laman, tribon i mantanan. Banda di esaki tin e Sababank den e EEZ rònt di isla ariba di Hulanda Karibense, un área ku un ròl importante pa biodiversidat marino den Karibe.
Ku e propósito pa un maneho duradero di e EEZ tin sinkronisashon entre e isla/paisnan di e Reino. P’esei a firma un akuerdo entre e diferente gobièrnunan (ku eksepshon di Aruba) dirigí riba e maneho di e biodiversidat marino i peskeria den e EEZ i awanan teritorial rònt di e islanan. Konforme e akuerdo aki a desaroyá un plan di maneho. Pa implementashon i monitoreo di e plan di maneho a instalá un komishon di EEZ den kual tur e gobièrnunan enbolbí tin asiento.