Naturalesa i biodiversidat
Hulanda Karibense ta akapará un tesoro na rekursonan natural ku ta proporshoná tantu e poblashon lokal pero tambe di den region i e resto di mundu diferente servisio riba tereno ekológiko, kultural i ekonómiko. E sistemanan ekológiko tambe ta di gran importansia den sentido regional i mundial. E awanan di kosta i refnan di tur e tres islanan ta forma parti di áreanan marina protehá, rekonosé internashonalmente.
E Entidatnan Públiko ta responsabel pa e maneho di e naturalesa riba nan islanan i den e awanan teritorial. A base di e Wet grondslagen natuurbeheer- en bescherming BES (Lei di prinsipionan di protekshon i maneho di naturalesa BES) e Entidatnan Públiko por implementá legislashon i maneho pa protekshon di e flora i founa lokal. Banda di esei tin diferente akuerdo i tratadonan internashonal ku ta apliká pa Hulanda Karibense i e obligashonnan ku ta sali for di esaki. Pa un lista kompleto di e obligashonnan internashonal relevante, tuma nota di e Plan di Maneho pa Naturalesa i medio ambiente.
Estado di naturalesa di Hulanda Karibense
Den 2018 a raportá e estado di naturalesa di Hulanda Karibense. E reportahe aki tabata un promé evaluashon di e estado (di konservashon), menasa i implikashonnan di maneho di abitatnan i espesienan (gruponan) den Hulanda Karibense. E konklushon di e rapòrt ta ku mester duna e estado di e naturalesa di Hulanda Karibense un apresiashon mediokre te no faborabel. E plan di maneho pa Naturalesa i medio ambiente di Hulanda Karibense 2020-2030 ta brinda e kuadro integral pa e maneho di e naturalesa i biodiversidat te 2030 pa mehorá e estado di naturalesa. Den 2025 lo mester raportá di nobo tokante e estado di e naturalesa di Hulanda Karibense.
