Rijksdienst Caribisch Nederland ke pa tur hende komprondé e informashon riba e wèpsait aki i por us’é. P’esei nos ta sigui traha riba mehorashon di e wèpsait. E status di e wèpsait bo ta haña den nos deklarashon di aksesibilidat.
Kiko ta un wèpsait aksesibel?
Un wèpsait aksesibel ta mihó pa usa pa tur grupo di enfoke. P’esei tin eksigensianan di aksesibilidat funshonal i tékniko i redakshonal na vigor (ántes: instrukshon di internèt) pa wèpsait di gobièrnu. A registrá esakinan den e toegankelijkheidsstandaard Digitoegankelijk EN 301 549 (standard di aksesibilidat digitalmente aksesibel EN 301549).
Deklarashon di aksesibilidat
A redaktá e deklarashon di aksesibilidat di Rijksdienst Caribisch Nederland riba 4 yüli 2024 i e ta konta pa e wèpsait : RijksdienstCN.com.
E wèpsait ta kumpli ku kasi tur e eksigensianan stipulá. Nos ta hasi esfuerso pa nos informashon i servisio digital ta aksesibel pa mas tantu hende posibel. Tambe ora nan tin un limitashon òf sierto preferensia. Den e toegankelijkheidsverklaring van RijksdienstCN.com (Deklarashon di aksesibilidat di RijksdienstCN.com) ekstenso bo por lesa eksaktamente kon aksesibel nos wèpsait ta. Den dje tambe tin pará kua medidanan nos ta tuma pa kumpli ku nos deber.
Lesa e investigashon di aksesibilidat WCAG 2.1 AA, ehekutá dor di Stichting Accessibility (Fundashon Aksesibilidat) dia 4 yüli 2024 (inspekshon di nobo dia 12 di novèmber 2024).
Problema pa mèldu aksesibilidat
Bo ta haña bo ku problema di aksesibilidat? Òf bo tin un pregunta òf remarke tokante aksesibilidat di nos wèpsait? Tuma kontakto ku nos e ora ei.