Algemene Rekenkamer: ‘Mehorashon fuerte di protekshon di informashon RCN’

Den e investigashon di responsabilidat di Algemene Rekenkamer ku a presentá awe, ta menshoná ku e protekshon di informashon di RCN en general a mehorá fuertemente. Despues ku den 2017 a konstatá ku e protekshon físiko i e protekshon di ICT no tabata na òrdu, SSO-CN a inisiá un plan di mehorashon.

Vooraanzicht apna gebouw

Implementashon di mehorashon

A implementá mehorashon entre otro riba tereno di kontrol di entrada di edifisionan di Rijksdienst i di protekshon di e ret. Edifisionan ta aksesibel solamente ku un pas di entrada. A kuminsá usa aparatonan nobo, kual a mehorá supervishon riba e ret fuertemente. Ku esaki ta nota i retené menasa i intenshonnan maligno mas promé. Mal uso i interupshon di e ret, pa motibu di esaki, a baha drástikamente. Tampoko no ta posibel mas pa subi e ret di RCN ku un kòmpiuter no-outorisá.
 

Protekshon di informashon

Segun Algemene Rekenkamer por a nota un adelanto konsiderabel den un periodo relativamente kòrtiku, dor di un enfoke efektivo di e plan di mehorashon. Komo resultado, e nivel di seguridat di informashon di RCN en general a mehorá fuertemente. Rekenkamer ta sugerí si pa tuma medidanan adishonal pa por mantené e nivel aki den futuro tambe. En adelanto, SSO-CN lo hasi kontrol i mantenshon periódikamente. Asina por tuma nota di loke falta mas lihé i solushoná esakinan na un manera mas efektivo.
 

Futuro

Mas aleu lo investigá kon por duna mihó forma na e servisio di SSO-CN riba e tereno di protekshon di informashon. A tuma un promé paso pa esaki dor di inisiá un grupo di trabou huntu ku Belastingdienst/CN. Un partido eksterno ta yuda ku desaroyo di un vishon pa futuro di ICT. Medio yüni lo stipulá siguiente pasonan a base di esaki.