Hunta pa Protekshon di Mucha ku bishita di trabou na CN
Riba invitashon di Voogdijraad Hulanda Karibense, Hunta pa Protekshon di Mucha (Raad voor de Kinderbescherming, RvdK) ta ku bishita di trabou di 18 te ku 22 di novèmber. E bishita di trabou ta den kuadro di e Entrenamentu Protekshon Hubenil (Opleiding Jeugdbescherming, OJB) ku ta inisiá otro siman, siña di otro i fortalesé koperashon internashonal.
E siman ta inisiá ku un bishita na Voogdijraad CN na Boneiru, na unda e último preparashonnan pa e Entrenamentu Protekshon Hubenil (OJB) ta tuma lugá. Entrante otro siman e investigadónan di hunta di Voogdijraad Hulanda Karibense di Boneiru, Sint Eustatius i Saba lo haña entrenamentu serka entrenadónan di e Hunta pa Protekshon di Mucha (RvdK) for di Hulanda. E entrenamentu ta dura un aña i mei.
Despues di e promé siman di entrenamentu na Boneiru, e investigadónan lo sigui ku e entrenamentu via di un sistema di ‘e-learning’ i nan ta haña guia riba distansia. E investigadónan senior lo hasi e asina yamá ‘train de trainer-programma’. Ku esaki den futuro nan por hunga un ròl komo entrenadó den region.
Siña i konektá
E kontinuashon di e bishita di trabou ta pa trata di siña di otro. Riba programa tin un bishita na e prizòn nobo, Jeugdzorg en Gezinsvoodij (JGCN), Stichting Reclassering Caribisch Nederland, Korte i Veiligheidshuis, Stichting Krusada i Stichting Project.
Hulanda, Hulanda Karibense i e otro islanan por siña hopi for di otro. Por ehèmpel, kon e islanan ta trata e uso di asistensia spesialisá i kapasidat? Kon ta atendé ku e problemátika rondó di krimidalidat hubenil, violensia doméstiko i abuso infantil i kon e problemátika aki ta diferensiá for di esun di Hulanda Oropeo? I kiko RvdK por siña di e kreatividat den trese solushon i e estrecho koperashon ku partnernan den kadena, ku ta nesesario, debi na e eskala chikitu di e islanan? Voogdijraad CN i RvdK ta balorá na e koperashon ku otro.