Ora tin peliger serio pa un mucha hañ’é den problema, Voogdijraad Caribisch Nederland (Konseho di Tutela Hulanda Karibense) ta yuda e mucha i e mayornan pa buska e mihó solushon. Únikamente ora realmente no por otro, lo envolví hues, pero interes di e mucha semper ta sentral. Esei ta posibel entre otro pa motibu ku Voogdijraad ta konsehá e hues independientemente.
Voogdijraad CN ta sali pa derecho di menor di edat ku ta bou menasa den su desaroyo, i ta duna konseho independiente. Voogdijraad CN ta kombiná konosementu di pedagogia, derecho hubenil i derecho penal hubenil, i konosementu riba tereno di kuido di kriansa i adopshon.
Intervenshon den un famia ta nesesario? E ora ei Voogdijraad CN ta sòru pa esaki sosodé di un manera kuidadoso i transparente. Voogdijraad CN ta yuda ku un meta kla: duna e konseho di mas mihó posibel pa kada mucha, na e momentu apropiá.
Voogdijraad CN ta un organisashon ehekutivo ku ta ehersé su tareanan bou di mando di Ministerio di Hustisia i Siguridat.
