Antes Voogdijraad Caribisch Nederland tabata regla tutela temporal pa muchanan entre 12 pa 18 aña ku tabata bai biba den eksterior pa estudio. Esaki no ta nesesario mas. Awor mayor òf tutor mes por regla esaki ku un outorisashon.
Kiko e kambionan ta nifiká?
Mucha entre 12 pa 18 aña por biaha bai studia den eksterior sin un areglo ofisial di voogdij. Ta importante si, pa mayornan, mes hasi palabrashonnan kla.
Kiko mayornan mester hasi?
E mayor(nan) ku outoridat (tata, mama, of tur dos) mester duna un persona den eksterior e outorisashon por eskrito. Ku esaki e persona ta haña e responsabilidat pa kuido di e mucha.
E outorisashon mester kontené e siguiente informashon:
- Nòmber, adrès, fecha di nasementu, lugá di nasementu i nòmber di nasementu di mayor(nan)
- Nòmber, adrès, fecha di nasementu, lugá di nasementu i nòmber di nasementu di e yu
- Nòmber, adrès, fecha di nasementu, lugá di nasementu i nòmber di nasementu di e persona outorisá den eksterior
- Loke ku e persona aki por regla na nòmber di e mayornan ta:
- Kuido diario di e yu
- Inskribí e yu na skol
- Sera un seguro di kuido médiko
- Petishon di komprobante di transporte (p.e. un karchi di trein)
- Inskribí na un Dòkter di kas òf otro instansianan
- E adrès kaminda e yu ta biba den eksterior
- Fecha di inisio i final di e outorisashon
Tene kuenta: si e ekstendé e periodo, ta nesesario pa traha un outorisashon nobo.
Pa e biahe mes, mester traha un outorisashon. E outorisashon aki mester kontené:
- Detaye di e yu
- Detaye di e mayor(nan)
- Detaye di e persona ku e yu ta biaha kuné
- E destinashon di e biahe
- E periodo di estadia (fecha di salida i di regreso)
Mester legalisá e outorisashon na un ofisina di notario. Mester bai ku e siguiente dokumentonan:
- E outorisashon firmá
- Un pasaporte bálido
- Un prueba di outoridat
Kon pa haña un prueba di outoridat?
- Pidi e siguiente dokumentonan na e Ofisina di Registro Sivil (Bevolkingskantoor):
- Ekstrakto (uittreksel) di e mayor(nan) i di e yu
- Akta di nasementu di e yu
- (Si ta aplikabel) akta di rekonosementu
- Entregá e dokumentonan aki na korte (rechtbank)
- Paga $28
- Bo ta risibí e prueba di gezag denter di dos siman.
Tene kuenta: Tuma e tempu di prosesamentu aki na konsiderashon nanmomentu ku ta plania e fecha di salida.
Bo mester notifiká Voogdijraad CN un pa dos dia promé ku kita nòmber di e yu pa solisitá un Deklarashon di No Oposishon (VGB).
Tene kuenta: Sin e deklarashon aki, no por kita e yu su nòmber for di Registro Sivil.
