Problema na kas

Un investigadó di e konseho ta investigá situashon di e muchanan i di e famia. E ta tene kombersashon ku mucha, mayor- i otronan ku konosé e mucha bon. Despues e ta skirbi un rapòrt ku konseho tokante e mihó solushon pa e problemanan. Por ta asina ku ta mihó sigui ku ayudo boluntario. Voogdijraad ta yuda pensa e ora ei kon esei por tuma lugá. Ta posibel tambe ku e investigadó di e konseho ta di opinion ku tin mester di ayudo obligatorio. E ora ei Voogdijraad ta bai korte ku un petishon pa un Medida di protekshon di mucha. 

E investigadó di e konseho ta hasi tal petishon solamente si mira ku:

• Ayudo boluntario no ta yuda (sufisiente) mas
• E mayornan no kier kooperá ku ayudo boluntario
• E problemanan edukashonal ta hopi i grandi
• Tin mester di yudansa obligatorio rápido

Kon un investigashon di e konseho ta bai?

Si Voogdijraad bai hues, ta bin e ora ei un enkuentro den korte: un seshon di korte. E mayornan ta risibí un invitashon pa esaki. Un mucha tambe ta risibí un invitashon si e ta riba 12 aña. Mayornan por hasi uso di un abogado. Un abogado por yuda e mayornan durante e seshon di korte.

Hues ta lesa e investigashon i e petishon di Voogdijraad pa pone bou di supervishon. I durante di e seshon di korte e ta hasi pregunta i ta skucha loke mayornan i e mucha tin di konta. Despues hues ta tuma un desishon. Si hues imponé un medida di protekshon di mucha, e mayornan ta obligá di kooperá ku esaki. E mayornan por apelá e veredikto di hues. Voogdijraad tambe por hasi esaki.