Ku ken mucha i mayor tin di aber ora embolbí Voogdijraad?
Denunsiante
Denunsiante ta un organisashon ku ta pidi ayudo di Voogdijraad si kosnan no ta bai bon ku desaroyo di un mucha.
Organisashonnan ku por ta denunsiante ta:
- ZJCN
- Outoridat Sentral
- Boneiru: Punto di notifikashon di Violensia Doméstiko i Maltrato di mucha (Akseso)
- Saba: Safety Network
- Sint Eustatius: Unit Social Support
Asistentenan sosial
Esakinan ta personanan ku ya ta yudando òf ta guia e famia òf e mucha kaba.
Investigadó di e Konseho
Esaki ta un kolaboradó di Voogdijraad ku ta tene kombersashon ku e mucha, mayor- i otronan ku konosé e mucha bon. E kier sa kon ta bai ku e mucha den su ambiente. E meta ta pa identifiká problemanan di e mucha i pa buska un solushon. E investigadó di e konseho ta skirbi un rapòrt tokante esaki. Den kaso di ayudo obligatorio Voogdijraad ta pidi hues un medida di protekshon di mucha.
Hues
Hues ta disidí riba un petishon òf konseho di Voogdijraad. Esaki ta sosodé durante un enkuentro den korte: e seshon di korte.
Abogado
Mayornan por buska ayudo di un abogado. E por yuda e mayornan durante e seshon di korte.