Pa kua problema di kriansa ta embolbí Voogdijraad?
Ta importante pa un mucha krese di forma balansá. Pero tin bia esei no ta posibel i e problema ta asina grandi ku tin menasa pa desaroyo di un mucha.
Problemanan ku por afektá desaroyo di un mucha negativamente ta:
- Abuso seksual, maltrato di mucha i negligensia
- Komportashon kastigabel di e mucha òf mayornan
- Problemanan di komportashon serka e mucha
- E mucha tin problema na skol òf ta falta skol hopi bia
- Abuso di droga òf alkohòl serka e mucha òf mayornan
- E mayornan tin problema síkiko.
Pa muchanan mes e ta un stap grandi pa papia tokante problemanan na kas. Pa e motibu ei no ta fásil pa rekonosé un situashon menasante pa un mucha. Mester di kurashi tambe pa tuma paso.