Tokante e Voogdijraad
Mucha tin derecho riba un desaroyo sano i stabil. Esei tin pará den e Tratado Internashonal pa Derecho di Mucha. Mayornan ta responsabel pa esaki. Nan por hasi uso p’esei di enseñansa, kuido di salú i asistensia. Tin biaha, e problemanan na kas ta asina grandi, ku mayornan no por solushoná nan, nan mes. Ni tampoko ku sosten di famia, amigu, bisiña, òf ayudo boluntario. Ora preokupashonnan grandi sigui tokante kresementu seif di un mucha, servisio di asistensia òf instansia hudisial por pone Voogdijraad CN na altura.
Voogdijraad CN ta investigá si mester tuma medida òf intervení. Voogdijraad ta tuma e desishon ei ku koutela. Ora mester protehá e mucha, Voogdijraad ta trese e petishon aki dilanti di hues. Tambe, Voogdijraad por duna e hues konseho.
Mayornan por tuma kontakto ku Voogdijraad CN pa petishon pa outoridat, tutela, i pa konseho tokante alimentashon pa yu.