Alimentashon

Si mayornan no por yega na un akuerdo entre nan tokante un areglo di alimentashon boluntariamente, e ora ei e Voogdijraad CN ta intermediá. E Voogdijraad ta investigá independientemente kuantu tur dos mayor por gasta. Tambe ta wak e nesesidatnan di e mucha na e edat ei.

Durante e investigashon e Voogdijraad CN ta papia ku tur dos e mayornan tambe. A base di esaki e Voogdijraad CN ta saka un rapòrt di konseho. Despues di e investigashon Voogdijraad CN ta diskutí e rapòrt ku e mayornan. Durante e inspekshon di e rapòrt,  e mayornan por duna nan remarkenan. E remarkenan ta wòrdu agregá na e rapòrt di konseho, komo anekso.

Despues e rapòrt di konseho ta wòrdu presentá na e Korte. E Korte mas despues ta tuma un desishon i e veredikto ta wòrdu pone den un disposishon. E disposishon ta wòrdu pasá pa Ofisina di Impuesto CN pa kobra e alimentashon.