Kon Voogdijraad ta kalkulá alimentashon pa yu?
Voogdijraad Hulanda Karibense ta usando un método regular pa kalkulá e montante di alimentashon pa yu, di manera ku nan por konsehá hues mas mihó posibel.
Pa kalkulá altura di e alimentashon pa yu, ta stipulá promé e kapasidat finansiero di e mayornan i nesesidat di e yu(nan). A base di ámbos resultado i un korekshon di e kompensashon pa yu, ta stipulá e suma provisorio na alimentashon pa yu pa ámbos mayor.
- E kapasidat finansiero ta konsistí di e entrada di tata i mama despues di divorsio, kitando afó e entrada sin e kapasidat finansiero ku tin mester pa paga e gastunan normal. Den e modelo ta establesé norma pa e gastunan di kas i di kosto di bida a base di e entrada i e situashon sosioekonómiko pa kada isla.
- Pa stipulá nesesidat di un yu òf e gastunan pa kuida i kria un yu, ta hasi uso di e normanan spesífiko di e isla.
Despues ku determiná e altura di e alimentashon pa yu pa ámbos mayor, ta apliká e kòrtamentu den e alimentashon pa yu (kòrtamentu den kuido), basá riba e kantidat di dia ku un yu ta keda serka mama òf tata. Esaki ta kondusí na e suma di alimentashon final.
Bo por haña mas informashon tokante e modelo di kalkulashon ku Voogdijraad ta usa den e ‘factsheet’ na e parti abou. Ta evaluá i aktualisá e modelo di kalkulashon anualmente basá riba hurisprudensia, kambio di maneho i sifranan manera indeksashon.