Kua informashon ta nesesario pa un aplikashon?
Pa por hasi un kalkulashon, mester di datonan finansiero di tur dos mayor. Bo por pidi bo (eks)partner pa koperá ku esaki.
E ora ei tin dos posibilidat:
- Un di e mayornan ta manda tur dato i dokumento na nòmber di tur dos mayor;
- Un mayor ta entregá e petishon i tur dos mayor ta manda e datonan i dokumentonan separá for di e otro mayor.
Si un di e dos mayornan ke entregá e petishon sin koperashon di e otro mayor, en todo kaso e datonan di kontakto korekto di e otro mayor ta nesesario: nòmber kompleto, fecha di nasementu, number di telefòn i posibel e-mail i adrès residensial. Si bo no tin e informashon aki, Voogdijraad no por sigui yuda bo.
Si manda e informashon di tur dos mayor separá, tur dos mayor ta haña e kalkulashon kompleto di Voogdijraad. Akiden ta menshoná un bista general di e datonan i gastunan finansiero di tur dos mayor.