Molèster temporal debí na demolishon di èks prisòn
Riba djaluna 28 di òktober a inisiá ku demolishon di e èks Instituto Penitensiario Hulanda Karibense (JICN). Entrante 31 di òktober lo inisiá ku demolishon di e murayanan parti pafó di e prisòn bieu na Playa.
Pa motibu di seguridat, parsialmente lo sera diferente tereno pa stashoná outo i Kaya Hermandad, pa un sierto periodo. E demolishon kompletu ta plania pa dura te ku fin di yanüari 2020.
Hèki for di 31 di òktober
Na enkargo di Rijksvastgoedbedrijf i Entidat Públiko Boneiru, e kontratista lo kordiná i ehekutá e demolishon di e kompleho basá riba e planifikashon. Lo kuminsá ku demolishon parsial di e muraya eksterior pa sùit. Aki lo instalá hèki pa garantisá seguridat rondó di e kompleho i pa limitá molèster di zonido i material di demolishon mas tantu posibel. A informá e krèsh den bisindario i tambe habitante di e kasnan bisiña, personalmente di e demolishon.
Stashonamentu di outo limitá di 21 di novèmber te ku 5 di desèmber
Nos ta pidí bo pa tene kuenta ku e posibilidat limitá pa stashoná outo den e periodo di 21 di novèmber te ku 5 di desèmber den e area aki. E entrada di e tereno pa stashoná outo na banda di Julio A. Abraham Boulevard lo ta será den e temporada aki. Banda di esaki lo sera Kaya Hermandad temporalmente i parsialmente. Nos ta supliká outomobilistanan pa tene esaki habri mas tantu posibel, komo ku KPCN ta usa e kaya aki pa yega na ofisina di polis.