JICN ta ehekutá na nòmber di e Minister di Hustisia i Seguridat kastigu- i medidanan ku ta enserá limitashon di libertat, imponé pa hues. E lokalidat na Boneiru ta tantu un kas di detenshon komo un prizòn pa Boneiru, Sint Eustatius i Saba, ku un kapasidat total di 113 kupo pa hende hòmber, hende muhé, estranhero i hóben.
Tras di e brel akí bo ta mira loke ta sosedé den realidat.
Denter di e Instituto Hudisial Hulanda Karibense (JICN), tin hende tur dia na trabou riba struktura, seguridat i desaroyo. For di e promé dia ta traha na regreso. Esaki ta sosedé pa medio di labor, guia i límitenan i palabrashonnan fiho.
For di 10 di òktober 2010 JICN ta kai bou di Servisio di Instituto Hudisial (DJI, Dienst Justitiële Inrichtingen). JICN ta traha riba enkarselashon seif, rekuperashon di e estado di derecho, prevenshon di krímen ku ta ripití (residivismo) i perspektiva pa regreso.
Huntu ku partnernan manera Polis, Ministerio Públiko, Ofisina di rehabilitashon, Forma, i organisashonnan di kuido, e preparashon akí ta kuminsá kaba durante detenshon. Di e manera akí, JICN ta traha pa redusí residivismo di komportashon kriminal i pa krea un sosiedat mas seif.