Reglanan di bishita

Obligashon di identifikashon

Pa por drenta e institushon, tambe pa entregá produktonan, ta konta un obligashon di identifikashon pa bishitante for di 12 aña di edat. Bishitantenan por identifiká nan mes solamente ku un pasport bálido; un sédula bálido; un reibeweis di Hulanda bálido òf un dokumento di estranhero (dokumento di residensia). Si bo bishitante no ta disponé di un di e dokumentonan ariba menshoná, e no ta haña akseso na e instituto.

• Muchanan ku ta mas hóben ku 14 aña di edat por bini di bishita solamente bou di guia di un adulto. Nan no mester bini ku un propio prueba di identifikashon.
• Muchanan di 14 aña di edat òf mas, por bini independientemente na bishita pero semper mester tin un propio prueba di identifikashon, tambe ora nan ta bou di guia di un adulto. 

Atmishon i kòntròl

Bishitantenan ta wòrdu konsiderá di ta presente 20 minüt promé ku inisio di e ora di bishita. Bishitantenan no por hibá nada ku nan den e instituto. Eventual artíkulonan mester wòrdu wardá den e kahanan di heru na entrada.

Pa bo i nos siguridat, e bishita ta wòrdu kontrolá. E kòntròl aki ta enserá ku bo mester kana pasa, silensiosamente,  dor di e porta di detekshon i tur artefakto ku bo tin serka di bo (i ku por bai paden)  ta bai dor di e mashin di X-ray. Si bo no por pasa silensiosamente dor di e porta di detekshon, bo no ta wòrdu atmití.

Bishita por wòrdu listrá òf kontrolá ku un kachó di droga, pa poseshon di droga. Si bo no koperá ku esaki, bo no ta wòrdu atmití.

Si konstatá òf si tin sospecho serio di poseshon di produktonan di kontrabanda, bishitantenan no ta wòrdu atmití den e instituto. E akseso pa e instituto por wòrdu nenga pa periodo largu e ora ei.

Bistí i komportashon

Bishitantenan mester komportá nan mes di forma desente i no por komportá nan mes di forma insultante, ku hopi bochincha òf ku ta stroba. Bo mester semper bishitá e instituto desentemente bistí. Esaki ke men ku saya-mini, karson kòrtiku, eskote, kamisa sin manga, hotpants, i asina yamá ‘tanktops’ i kabes tapá, ta prohibí.

E pòrtir no ta laga bo drenta si bo paña no ta korekto.

Fuera di un korto saludo i despedida, kontakto físiko mas aleu, no ta pèrmití. Bo mester tene bo mes na tur instrukshon di e personal. Si tin violashon, e bishita por wòrdu nengá òf kibrá prematuro. Tambe bo por wòrdu nengá akseso na e instituto.  

Importashon i eksportashon di produkto

Si bo ke trese produktonan pa un detenido, bo mester notifik’é di esei di antemano. Pasobra e detenido mes, mester bisa kiko ta wòrdu tresé p’e. Produktonan ku no a wòrdu di mèldu, no por drenta. Importashon i eksportashon di produkto ta tuma lugá riba e dia di bishita fiho, ku eksepshon di e wikènt.  Chekeo di produkto ku a trese pa drenta i pa sali ta tuma tempu. Pa e motibu ei bini hopi na tempu òf reservá hopi tempu pa despues.