Ban pa Kambio

Durante e detenshon JICN ta ofresé e detenidonan e posibilidat pa desaroyá nan mes. Esaki por pa medio di estudionan, trayektonan di estudio i trabou. Tambe JICN ta ofresé struktura. Tur dos elemento ta ofresé detenidonan un chèns mas grandi pa konstruí un eksistensia sosialmente aseptabel den e komunidat.

Trabou ta kontribuí na e órden i trankilidat den e instituto i na un pasadia ku tin sentido pa detenidonan. Esei ta kontribuí atrobe na e oumento di e chèns riba un eksistensia sosialmente aseptabel despues di e detenshon. Trabou ta wòrdu utilisá komo un medio pa siña, komo aktividat, komo kontribushon na e órden i siguridat i komo medio pa gana sèn. E kontenido i e sirkunstansianan di e trabou ta dependé di e liña - Ban pa kambio.

Fase 1: Siñamentu

E énfasis ta riba e alkanse di kualifikashonnan básiko apsoluto, manera den e kas di kustodia, riba e tereno di lesamentu (alfabetisashon) i skirbimentu. Tambe lo tin atenshon èkstra pa e detenido ora ta trata di abilidatnan sosial i komportashon.  E detenido ta orientá su mes kompletamente riba alkanse di e nivel korekto.

Fase 2: Siña-traha

Si un detenido ta kumpli ku e kriterianan di selekshon, e por sigui pa un estudio di entrada MBO1. Durante e estudio aki e detenido ta siña un ofishi den un di e tres profilnan disponibel: bèrdè, konstrukshon, horeka. JICN a skohe pa e profilnan aki pasobra por haña hopi trabou den e sektornan aki na Boneiru. Pa e motibu aki e rendimentu lo ta esun mas haltu pa e komunidat Boneriano.  

Fase 3: Traha kompleto

Esaki ta e fase den kua e detenidonan ta traha kompleto. Den e fase aki e detenidonan ta kumpli ku tur e kriterianan indiká. Kua trabou e detenidonan ta hasi den e fase aki ta dependé di diferente faktor. Pensa den esaki riba e titulo, e resto di e kastigu i kosnan por estilo.

Dentro di e JICN tin e siguiente trabounan den fase 3: 

  • Lugánan di trabou eksterno (sentro di reaktivashon Krusada, proyektonan eksterno); ta e logro di mas haltu.
  • Lugánan di trabou interno (trahadónan den limpiesa, deporte i asistente den biblioteka, trabou ku ta spar gastu, trabou den suministro di palu i bèrdè).