JICN ta un instituto hudisial alohá den un edifisio ultramoderno na Plantage Aruba, unda por warda tur detenido di Hulanda Karibense. Tin 113 espasio di detenshon partí riba e sekshonnan Adolesente, Hubentut, Hende muhé, Entrada, Estranhero, Prizòn i Sentro di Detenshon. Ademas JICN ta atendé tambe ku personanan arestá i detenidonan ku mester di èkstra kuido klíniko.

Patras di e murayanan di JICN ta sosodé mas ku bo ta pensa. Aki bo ta traha na siguridat i na desaroyo di hende. Bo ta para firme den bo sapatu, pero bo no ta para bo so. Huntu nos ta yuda hasi Boneiru mas seif.

Algu pa bo?

Bo ta un persona ku ta keda kalmu, duna struktura i ku ke nifiká algu? E ora ei kisas traha na JICN ta algu pa bo. E página aki ta spesial pa bo lesa kiko e trabou ta enserá. Tambe ora ku e vakaturanan no ta habrí, bo por orientá bo mes aki. Asina bo sa kiko por spera i bo por prepará pa un posibel solisitut.

Lesa aki bou mas tokante e dos funshonnan ku nos ta buska kolega pe. I diskubrí si e trabou ta pas ku bo.

Trahadó di instituto penitensiario (PIW)

Komo un PIW’er  (Trahadó di instituto penitensiario) bo ta traha den e departamento di biba ku hende ku ta sera temporalmente. Bo ta sòru pa struktura, siguridat i guia. Bo ta supervisá, pero bo ta hasi mas ku solamente paga tinu. Bo ta papia ku hende, tin diálogo ku nan i yuda nan pa hasi pasonan pa dilanti. Bo ta visibel, trankil i kla.

Lokual bo ta hasi:

  • Bo ta guia detenido den nan bida diario
  • Bo ta kontrolá si tur kos ta bai sigur i segun e regla
  • Bo ta rekonosé komportashon i bo sa kon pa reakshoná riba dje
  • Bo ta traha djaserka ku kolega di otro departamentonan

Loke bo mester por hasi:

  • Mantené bo mes trankil den situashon ku tenshon
  • Komuniká kla i ku rèspèt
  • Traha bon huntu den un tim
  • Para fuerte den bo sapatu

Loke nos ta ofresé:

  • Un formashon interno pa bira PIW’er
  • Siña den praktiká na trabou mes
  • Un tim ku ta yuda i sostené otro
  • Un trabou kaminda bo por nifiká algu importante pa otro hende

Imágen: © JICN

"E trabou aki bo ta hasi ku kabes i ku kurason. Bo ta duna hende un chèns pa kuminsá di nobo"

Complexbeveiliger (CB)

Komo CB-er bo ta responsabel pa e tereno di JICN keda sigur. Bo ta traha ku kámara, kontrolá ken ta drenta i intervení ora ta nesesario. Bo ta atento, alerta i b mantené un bista general. Tambe bo ta sostené koleganan na momentu ku algu pasa riba e tereno òf den e edifisio.

Loke bo ta hasi:

  • Bo ta kontrolá entrada di persona i vehíkulo
  • Bo ta tene supervishon via di kámara i ronda
  • Bo ta reakshoná rápido ora di insidente òf situashonnan insigur
  • Bo ta traha huntu ku PIW, bewaker i otro koleganan

Loke bo mester por:

  • Semper ta lerta
  • Por ku strès
  • Tin bista tékniko
  • Abilidat pa kolaborá bon den tim

Loke nos ta ofresé:

  • Un formashon interno pa bira Complexbeveiliger
  • Un pakete di tarea kla ku hopi responsabilidat
  • Un ambiente di trabou sigur ku bon guia
  • Un funshon ku nifikashon i variashon

Imágen: © JICN

"Abo ta e promé kara di JICN. Abo ta mantené trankilidat i órden."

Vakatura

E vakatura ofisial pa PIW i CB pronto lo ta ònlain. Bo ke ekspresá bo interes den un ‘speed date’ dia 3 di òktober durante e feria di karera? Tuma kontakto ku nos via Werving@jicnbonaire.nl