Atenshon pa aserkamentu di violensia doméstiko ta keda nesesario

Ku e proyekto i kampaña di konsientisashon “E no ta stòp di mes” tur partner di e kadena konserní di kuido, hustisia i e entidatnan públiko Boneiru, Saba i Sint Eustatius ta enfoká aktivamente riba fortifikashon di e aserkamentu di violensia doméstiko i maltrato di mucha.

Het stopt niet vanzelf. Zoek contact!

Departamentu di Komunikashon di Rijksdienst CN huntu ku entidatnan públiko a establesé un kampaña di konsientisashon.

Lider di proyekto Justine Verschoor for di komienso na febrüari 2018 a traha riba fortifikashon di kooperashon den e kadena, ampliashon di ekspertisia di profeshonalnan i ampliashon di konsiensia di siudadanonan na Hulanda Karibense tokante e tópiko difísil akí. Ministerio di Hustisia i Siguridat a finansiá e proyekto ku tin un durashon di un aña i mei. 

Profeshonalisashon 

E kolaboradónan di e diferente organisashonnan di ayudo na Boneiru, Sint Eustatius en Saba a sigui diferente entrenamentu. E training ‘Kas Sigur’ ta dirigí riba e outor i fuera di esei ta partikularmente dirigí riba prevenshon di uso di mas violensia. E training ‘Signs of Safety ta un forma di traha dirigí riba palabrashonnan di siguridat ku ta hasi ku víktima-/klientenan partikularmente dirigí riba mucha. Di e forma akí ta sòru pa un aserkamentu kla i profeshonal den direkshon di e siudadano.

Kolaboradónan di proyekto di tur e tres islanan resientemente a sigui e training ‘Aandachtfunctionaris huiselijk geweld en kindermishandeling’. E meta ta ku despues di logra e sertifikado e partisipantenan por apoyá i informá nan koleganan den nan organisashonnan den kaso di sospecho di violensia doméstiko i maltrato di mucha. 

Kampaña di konsientisashon 

Departamentu di Komunikashon di Rijksdienst CN huntu ku entidatnan públiko a establesé un kampaña di konsientisashon. For di novèmber e kampaña a ranka sali i Sander Dekker, minister pa Protekshon Hurídiko, ku na e momentu ei tabata na Boneiru a presentá esaki na prensa. A hasi uso di diferente medio di komunikashon entre otro pelíkulanan kòrtiku via medionan sosial pa krea mas konsiensia tokante violensia doméstiko. (lenk pa e pelíkulanan kòrtiku) 

Kolaborashon di e kadena

Den e proyekto kolaboradónan di diferente organisashon a kuminsá kooperá mas intensivo pa loke ta trata situashonnan diario kompleho. Entretantu e kolaboradónan a kuminsá atendé 19 kaso. A bin mihó koordinashon di e yudansa nesesario na e klientenan. Banda di esei a apuntá un servisio komo direktor pa kada situashon di manera ku e dunamentu di yudansa ta bira mas kla pa e kliente. Esnan konserní ku a inskribí nan mes (hopi biaha via Yudansa pa Víktima) a risibí sosten.

Kontinuashon

E proyekto ku a sali for di e ministerio di Hustisia i Siguridat tabata un komplementashon riba e Akuerdo di Gobernashon ku ministerio di Salubridat, Bienestar i Deporte a sera na 2017 ku e entidatnan públiko. 

Meta di e akuerdo akí ta pa yega na un aserkamentu kompletu i duradero di violensia doméstiko i maltrato di mucha riba e islanan. E proyekto ta nifiká un paso firme den e bon direkshon awor ku a logra resultadonan konkreto riba e terenonan ariba menshoná. E aktividatnan pa fortifiká e aserkamentu di violensia doméstiko i maltrato di mucha na Boneiru, Saba i Sint Eustatius lo haña kontinuashon i lo ser ampliá den kuadro di e Akuerdo Intergubernamental. Esfuerso i atenshon kontinuo ta keda nesesario pa baha violensia doméstiko i maltrato di mucha.