Kampaña: E no ta stòp di mes. Buska kontakto!
Pa pone un paro na situashonnan problemátiko, ayudo ta nesesario. Esei por pa medio di diferente instansia di ayudo, pero tambe pa medio di e ret sosial òf di parti di e víktima mes.
Si ofresé sufisiente rekurso, hopi hende ta sufisiente kapas na organisá nan bida di otro forma i ku esei kibra e sírkulo di problema.
Un sosten por ta nèt e empuhe ku un hende tin mester.
Kampaña:
Aproksimadamente 80% negligensia, 20% violensia físiko
E idea tras di e kampaña
Ku un kampaña intensivo e ministerionan di J&V i VWS ta pidi atenshon pa situashonnan manera negligensia, relashonnan ku no ta salú i violensia físiko i mental. En realidat ta trata di violensia den tur sorto di relashon. Hopi bes nos ta pensa riba e relashon entre yu i mayor, pero tin muchu mas forma, manera violensia òf negligensia di grandinan, violensia via medionan sosial, esun di hende muhé kontra hende hòmber; pero tin tambe negligensia ku ta surgi pa motibu ku hendenan ta biba bou di sirkunstansianan difísil.
Den e kampaña akí nos lo pidi atenshon pa tur sorto di problema. Tin bes esei ta un situashon den kua bo no ta pensa direktamente riba violensia. Sa sosodé ku hendenan ku no por sali for di sierto situashon, finalmente ta bai den direkshon di violensia, por ehèmpel den forma di negligensia. Tambe por t’asina ku hendenan nunka a siña pa wak nan mes di otro forma òf wak e edukashon ku nan a haña, di manera ku ta surgi ripitishon.
Den diferente tema di luna nos ta bai mas profundo den e situashonnan akí. Ku e temanan akí nos kier stimulá pa reflekshoná. Nos ta kuminsá nos kampaña tokante negligensia i violensia ku un situashon rekonosibel i ta hasi e pregunta;
“Kiko lo bo por hasi otro?” Pero tambe “Ken lo bo por pida ayudo?”
-
Muchu tiki atenshon ta un forma di negligensia
-
Negligensia inkonsiente pa motibu di strès
-
Maltrato