Kampaña violensia doméstiko: Maltrato den un relashon

Den e pelíkula kòrtiku akí nos ta para ketu na maltrato físiko di un muhé adulto.

Regularmente Magali su kasá ta batié. Loke ta humiante i doloroso, pero el a konformá su mes. Último tempu nan yu muhé chikitu, Samantha, tampoko ta skapa mas di e violensia físiko i pa Magali awor esaki a yega na un límite delikado. E ta trata na buska un salida for di e situashon, pero ta haña esaki difísil. Huntu ku eksperto Dianne Lucassen (transformationeel coach) nos ta tira un bista fiktisio den bida di Magali.

Fysiek geweld

Kiko a pasa ku mi, ku kos por a yega dje leu ei? Mi ta kòrda bon ainda ku mi a hura mi mama ku nunka lo mi laga niun hende dal mi. Mi a mira kon mi mama a kambia. Kon kada bes tabata parse ku e tabata disparsé mas i mas. E tabata einan si – pasobra mi tabata mira su marka nan blou- pero e no tabata presente. 

E realisashon ku bo ta den un situashon sin salida

Tin bia bida por bin ku sorpresa. Bo ta pará meimei di dje i direpente e realisashon ku tur kos a kana kompletamente otro ku loke tabata bo intenshon, ta superá bo. Kibramentu ku un patronchi ku no ta saludabel no ta dje fásil ei. Tin asina tantu espektativa i kustumber ku a bira normalku ta kosta esfuerso pa desviá un paso banda robes òf banda drechi.

“Mi a priminti’é ku nunka lo mi permití niun hende dal mi. Mi a mira kiko esei a hasi ku mi propio mama, kon el a kambia, manera ku pokopoko e tabata disparsé.”

Prehuisionan i tuma e kòntròl bèk

Komo persona deskonosí ku e situashon, sea bo ta un bisiña, dunadó di ayudo òf miembro di famia, kisas bo ta puntra bo mes ta kon difísil asina e por ta. Bo por disidí tòg di bai? Ta bo deber i responsabilidat tòg komo mama. A lo ménos bo por pidi ayudo tòg, pasobra tin organisashonnan di ayudo. Por lo general no ta dje difísil ei pa duna un opinion, pero si di bèrdat bo ta den un relashon ku no ta saludabel, ta un proseso difísil pa sali afó.

Asina tantu bia mi a primintí mi mes ku mi ta bai; ku mi ta kue mi kosnan i bai. Den komienso pasobra mi tabata pensa ku mi tambe tabata meresé pa tin un bida felis. Despues pasobra mi kier a duna Samantha un otro ehèmpel. I tòg mi no a hasié. Finalmente ami tambe ta kulpa di su rabia i frustrashon. Tin bia, mi ta gara mi mes ta provokando e, ta pon’e rabia, pasobra mi no por soportá e tenshon mas. Mi ta trata na hasi esei na momentunan ku Samantha no tei, di moda ku e no mester mira e violensia, no mester sinti loke/manera ami ta sinti sèmper; e humiliashon i debilidat.

Magali ta tuma kòntròl dor di skohe e momento di violensia i di e forma ei ta protehá su yu muhé. E sa ku e hòmber ta bandoná kas despues di un pleitu i ta bai un snèk awor ku e no tin trabou fiho mas.

Fysiek geweld

“Mi ta sinti ku mi no por hasi masha! Mi kier bai, pero kon anto? Mi no por paga e hür ora mi ta riba mi mes i kon mi mester pèrkurá pa mi yu muhé chikitu e ora ei?

Unda mi ta bai si mi bai? Kon mi ta paga e hür mi so? Kon mi ta splika Samantha ku mi ta strob’e di wak su tata? Awor, si awor si mi por splik’e. El a bai muchu leu. Ami a laga esaki sosodé. Mi no a paga tinu ora el a lant’e for di soño riba e sofa. Kon mi ta bisa un hende ku mi tin miedu pa nan no kita mi yu for di mi? Kiko hendenan lo pensa di mi si nan sa tur kos? Kiko nan ta bai hasi, si mi no por ni wak mi mes den spil? 

Bèrgwensa

Magali ta kita su bista, ta wak skùin abou ita baha su skoudernan, loke ta konsekuensia di e sinitimentu ku e no bal nada, ku e no ta bon sufisientemente. E kurpa ta tradusí susentimentu- i pensamentunan den: ‘Bo no ta bon sufisientemente, bo no bal nada”. E tin e telefòn den su man, miéntras e ta wak e marka blou di Samantha. El a laga su yu muhé na kaya. El a faya. E mester a prevení e kos aki i den esei el a faya. No tin nada ku e por hasi na drechi. Su stoma ta hala mara, kasi e no ta haña airu, e mes pensamentunan ta keda ripití. E no tin e kurashi i ta bolbe buta e telefòn abou. 

“Ta mi kulpa! Mi a mira muchu lat ku sin por a yuda el a lant’e hòmber ora e tabata drumi riba e sofa. Ta mi falta ku esei a sosodé. Mi mester a paga tinu. El a dal e asina duru. Di bèrdat mi no por apsolutamente nada!”

No ta kapas mas pa pensa bon

E bèrgwensa di Magali ta asina grandi ku e no ta kapas mas pa aktua òf pensa. Esaki ta un efekto di bèrgwensa intenso; di bèrdat bo ta kere ku bo no tin niun tiki balor i no tin niun kontribushon konstruktivo pa ku bida. Kiko bo ta pensa ku lo pasa si bo a trata na protehá bo yu muhé di mira i tende e violensia – dor di tuma e promé gòlpinan abo mes ku te asta bo ta kere ku bo meresé – i ku bo faya eiden? Korekto. E bèrgwensa ta bira mas profundo i ta konfirmá loke ya bo tabata sa: ‘Abo no por nada’. Un konsekuensia di bèrgwensa intenso, sientifikamente investigá, ta, ku di bèrdat bo no por pensa bon mas. Pues, kon real ta pa nos komo personanan deskonosí ku e situashon, bisiña, dunadó di ayudo, keda mustra riba e responsabilidat individual? Kon real ta si esnan pará na banda duna nos opinion, kondená i pone eksigensianan? 

Fysiek geweld

Kura ta kuminsá ora ku hasi kontakto real

‘Mi ta sinti bista di mi kolega na trabou i mi sa ku e ta na altura. El a mira e markanan blou. Magali tin un bèrgwensa enorme i ta baha su bista mas abou posibel. Na mes momentu e ta sinti – un krenchi di speransa – na momentu ku su kolega pasa man riba su lomba. E ta ripará ku su hemut ta yena i ta trata na dominá su lágrimanan. Ta algu agradabel i na mes momentu e ta spantoso. E lo a preferá si e por a disparsé. Pero e ta permití su kolega intervení, miéntras su pensamentunan ta keda ku e imágen di su yu muhé. 

Trabou relashonal

E kolega ta duna oido na e señal di bèrgwensa; esta di hasi kontakto. I e ta hasi esaki di forma intuitivo físiko, loke ta pone ku e ta hasi kontakto na un manera ku no ta logra ku idioma, ora  e bèrgwensa ku ta sinti ta muchu intenso. Nos responsabilidat komo personanan deskonosí ku e situashon, komo bisiña, miembro di famia i komo dunadó di ayudo, mas ku tur kos, ta di hasi kontakto real. 

Fysiek geweld