Muchu tiki atenshon ta un forma di negligensia
Na promé bista e ta parse un situashon sin speransa. Un mama soltero ku tin dos trabou pa por paga e gastunan i pa e motibu ei tin muchu tiki atenshon pa su yu.
Tin un otro solushon?
Seno sosial
Den e pelíkula kòrtiku bo ta mira ku un otro hende muhé ta saka un man pa yuda Shirley. E ta mira kuantu difikultat Shirley tin i ta proponé pa laga e muchanan hunga regularmente ku otro. Asina e ta yuda mehorá e situashon di Shirley un tiki. E gesto aki kisas parse chikí, pero kada paso por yuda un hende pa kibra e sírkulo visioso.
Organisashonnan di ayudo profeshonal
Un asistente sosial lo trata pa laga e kliente i hendenan den su besindario rekonosé metanan i ofresé ayudo al respekto. Ta stimul’é pa wak e kosnan ku e ta hasi bon, ku e ta haña bon di su mes i kon e, no opstante tur strès, por bai en buska di su idealnan.
Abo ta riska saka un man?
Gobièrnu
Gobièrnu tambe ta sòru pa medidanan di apoyo.
Asina tin kompensashon pa yu, un suma mensual di 40 dòler. Na yanüari 2019 e suma akí ta subi bai alrededor di 60 dòler pa luna. Tur mayor i mayor di kriansa ku yunan den e edat di 0 te 18 aña tin derecho riba kompensashon pa yu, no ta importá kuantu salario nan ta gana. Bo por pidi esaki via https://papiamentu.rijksdienstcn.com/asuntunan-sosial-i-labor/seguro-sosial/kompensashon-pa-yu
Tambe tin un ònderstant partikular. Esei ta pa personanan ku ònferwagt tin un gastu grandi i no por paga esaki. E kolaboradónan di ònderstant ta evaluá pa kada kaso (durante ora di konsulta òf bishita na kas) si un persona tin derecho riba esaki. Por ehèmpel si bo frishidèr òf mashin di laba paña daña i bo no tin plaka pa un nobo. Òf si bo ta na estado, pero no tin plaka pa artíkulonan pa baby.
Parti di e ònderstant partikular ta tambe artíkulonan di skol pa muchanan di enseñansa avansá. Entidatnan públiko ta hasi esaki pa muchanan di enseñansa básiko. Anualmente bo tin derecho riba esaki si bo no ta gana mas ku 150% di e suèldu mínimo legal (WML). Ta duna esaki den forma di bònnan pa unifòrm, sapatu, buki etc. Wak tambe: https://papiamentu.rijksdienstcn.com/asuntunan-sosial-i-labor/onderstant/onderstant-spesial
Si bo ta na estado bo tin derecho pa sigui risibí 100% pago di pèrdida di suèldu durante 16 siman. E dunadó di trabou pues no mester paga esaki. E dunadó di trabou por hasi un apelashon riba SZW pa pago bèk di e pèrdida di suèldu akí. Pues e trahadó mes no mester regla esaki. https://papiamentu.rijksdienstcn.com/asuntunan-sosial-i-labor/seguro-sosial/ferlof-pa-embaraso/hasi-petishon-pa-ferlof-pa-embaraso
