Ònderstant spesial
Si bo tin gastu haltu inesperá ku bo no por paga, posiblemente unidat SZW por yuda bo ku ònderstant spesial. Ehèmpelnan di gastu haltu nesesario ta kompra di un kama, stof, wasmashin, frishidèr, fèn, artíkulo di bebi i artíkulo di skol pa muchanan den enseñansa avansá. Si akaso bo mester ranka djente pero tin un entrada abou, tin posibilidat ku SZW por kubri e gastunan aki tambe p’abo.
Via e siguiente link por lesa mas tokante ònderstant spesial dirigí riba artíkulonan pa skol òf rankamentu di djente.
Mi tin derechi riba ònderstant spesial?
Pa por determiná si bo tin derechi riba ònderstant spesial, bo mester tuma kontakto ku e departamentu konserní. Esei por via di telefòn 715-8888, via e-mail onderstand@rijksdienstcn.com òf dor di pasa personalmente durante ora di konsulta ònderstant. Un di nos kolaboradornan lo informá bo tokante e kondishonnan.
Mas informashon?
Pa e legislashon i regulashon ofisial tokante e ònderstant wak e Lei di ònderstant BES (Besluit Onderstand BES) i e publikashon reglanan di maneho ònderstant.