Rankamentu di djente
Bo ta un habitante di Hulanda Karibense, tin 18 aña òf mas i bo mester ranka djente? RCN su unidat di Asuntunan Sosial i Empleo ta kubri rankamentu di djente pa habitantenan di Boneiru ku entrada abou. Ta trata akí di hendenan ku no ta gana mas ku 120% di suèldu mínimo, ku ta risibí ònderstant òf ku tin penshun di behes AOV sin otro entrada.
Pa bini na remarke pa e supsidio akí, por pasa na ofisina di SZW durante orario di konsulta di ònderstant. Basá riba bo ekstrakto di kuenta bankario i prueba di entrada, ta determiná si bo ta bini na remarke pa e supsidio. Si ta asina, ta risibí un deklarashon di SZW. Ku e deklarashon aki, dentistanan lo deklará e gastunan di rankamentu di djente direktamente na unidat di SZW.
Pagonan pa tratamentunan di dentista for di Ofisina di Seguro di Kuido ZVK no a kambia.