AOV Èkstra
For di promé di yanüari 2020 tin un suplemento riba penshun di behes (Algemeen Ouderdomsverzekering, AOV). Si bo ta bini na remarke pa esaki, e montante di AOV ku bo ta risibí, ta subi te na e montante di Salario Mínimo Legal. Esaki ta un di e palabrashonnan pa halsa benefisio i pagonan na Hulanda Karibense.
Mi ta bin na remarke pa AOV Èkstra?
Den e skema aki, bo por mira si bo por bini na remarke.
Kon mi ta apliká?
Bo por entregá bo petishon pa AOV Èkstra na unidat SZW di RCN. Bo ta bon biní pa hasi esaki durante e orarionan di konsulta di departamento di ònderstant, pero tambe ta posibel pa traha un sita
Pa traha un sita, por yama nos na 715-8851, na 781-0343 òf dor di manda un e-mail pa onderstand@rijksdienstcn.com.
Kiko mi mester trese?
Trese e siguiente dokumentonan pa entregá bo petishon:
- sédula
- pasport
- estadonan (‘print-out’) di kuenta bankario di e último dos lunanan
- si ta aplikabel: pèrmit di estadia
- si ta aplikabel: spesifikashon(nan) di penshun
Si bo ta apliká huntu ku bo pareha, mester trese dokumento di boso tur dos.
Mas informashon
Bo ta deseá mas informashon? Nos kolaboradornan ta yudá bo gustosamente. Tira un bista aki pa tur nos datonan di kontakto.