Preisnan di konsumidó na Boneiru 1,1 porshento mas haltu

Na Boneiru merkansianan pa konsumidó i servisionan tabata 1,1 porshento mas karu den e di dos kuartal di 2019,  kompará ku un aña anterior. 

Den e promé kuartal e konsumidó a paga 0,7 porshento mas ku un aña anterior. Na Sint Eustatius e preisnan a subi riba base anual ku 0,4 porshento i na Saba ku 0,5 porshento. Esaki CBS ta partisipá a base di sifranan nobo tokante preisnan di konsumidó.

Partikularmente desaroyo di preis di produktonan di alimentashon i elektrisidat ta okashoná e subida di e nivel di preis promedio pa merkansia i servisionan na Boneiru. Fruta fresku tabata den e di dos kuartal mas ku 22 porshento mas karu ku un aña anterior i bèrdura fresku 4 porshento. Preis di fruta fresku i bèrdura fresku ta awor riba e nivel di mas haltu desde ku CBS a kuminsá ku publikashon di e índise di preis di konsumidó na 2010. E preisnan di elektrisidat den e di dos kuartal a keda igual na e promé kuartal, pero elektrisidat si ta kasi 8 porshento mas karu ku un aña anterior. 

Subida di preis di konsumidó mas abou na Sint Eustatius

Na Sint Eustatius e di dos kuartal di 2019 a sali e konsumidónan promedio 0,4 porshento mas karu ku un aña anterior. Den e promé kuartal di 2019 esaki tabata ainda 0,7 porshento. Batata ta 4 porshento mas barata ku un aña anterior. Tambe e efekto di desaroyo di preis di artíkulo di baño a pisa riba e desaroyo di preisnan di konsumidó. 

Preisnan di konsumidó na Saba 0,5 porshento mas haltu

Den e di dos kuartal di 2019 e preisnan di konsumidó na Saba tabata promedio 0,5 porshento mas haltu ku un aña anterior, den e promé kuartal esaki tabata 0,6 porshento. E desaroyo di preis pa material di konstrukshon tabatin un efekto di bahada riba desaroyo di preisnan di konsumidó. Den e di dos kuartal e produktonan aki tabata 3 porshento mas karu ku un aña anterior, den e promé kuartal esaki tabata ainda mas di 6 porshento. E desaroyo di preis di gasolin tambe tabatin un efekto di bahada riba e preisnan di konsumidó. Produktonan di alimentashon manera bèrdura fresku al kontrario a bira mas karu.

Sifranan tentativo

E sifranan tokante e di dos kuartal di 2019 ta tentativo e ta keda stipulá definitivamente ora saka publikashon tokante e di tres kuartal di 2019.