Eskoho pa bario na Sint Eustatius i Saba ta diferensiá segun orígen

Personanan nasé na èks Antia Hulandes i Aruba i migrantenan ta skohe parsialmente pa otro barionan residensial na Sint Eustatius i Saba. Bou di migrantenan a bolbe hasi un distinshon den preferensia pa barionan entre migrantenan for di Oropa i Nort-Amérika i migrantenan for di Amérika Sentral i Suramérika. Esaki ta resaltá for di sifranan nobo di CBS.

Sint Eustatius

Personanan nasé na èks Antia Hulandes ta biba relativamente frekuente na Bay Brow, Princess Garden, Golden Rock i Chapel Piece. E parti mas chikitu di personanan nasé na èks Antia Hulandes ta biba na Mountain District. Mountain District ta al kontrario popular bou di imigrantenan for di Nort-Amérika/Hulanda Oropeo. Den e barionan aki e kasnan por lo general ta mas grandi i mas karu kompará ku mayoria otro barionan. Imigrantenan for di Amérika Sentral i Suramérika ta biba relativamente frekuente na Oranjestad-Zuid. Oranjestad-Zuid ta ser konsiderá komo e sentro di Sint Eustatius. 

Saba

Na Saba e diferensianan no ta dje grandi ei. Personanan nasé na èks Antia Hulandes ta biba proporshonalmente mas frekuente na St John’s i ménos frekuente na Windwardside. Windwardside ta popular bou di imigrantenan for di Nort-Amérika i Hulanda Oropeo. Den e bario aki ta biba hopi hende ku tin un propio kompania na kas; e kasnan por lo general ta un tiki mas grandi. Na St John’s ta biba relativamente hopi imigrante di Amérika Sentral i Suramérika.