Q&A’s BES(t) 4 Kids

Plaka adishonal pa mehorashon di akohida pa mucha Hulanda Karibense.

BES(t) 4 kids ta un koperashon entre e tres entidatnan públiko Boneiru, Sint Eustatius i Saba i e ministerionan SZW, OCW, VWS i BZK. Meta di e partidonan asosiá ta, fortifikashon di akohida pa mucha i akohida despues di skol na Hulanda Karibense. E enfoke ta riba forma un ambiente seif i ku dedikashon pa mucha ku ta aksesibel pa tur mayor.

Ki dia mi ta bai kuminsá ripará ku tin mas plaka disponibel?
Na e momentu akí no por bisa esei ainda. Entidat Públiko ta traha huntu ku Gobièrnu Sentral riba e detayenan aki. Tambe mester papia ainda ku e organisashonnan di akohida pa mucha. Mas den fin di aña nos ta spera di por duna mas informashon.

E akohida pa mucha ta bira grátis (otro aña)?
Akohida pa mucha i akohida despues di skol no ta grátis. Entidat Públiko ta bai studia e asuntu akí e lunanan benidero huntu ku Gobièrnu Sentral. Tambe mester papia ainda ku e organisashonnan di akohida pa mucha. Mas den fin di aña nos ta spera di por duna mas informashon.

Kiko ami (mayor) ta bai ripará otro aña al respekto?
E lo por resultá otro pa kada mayor. Esei ta dependé por ehèmpel di e edat di e yunan. Entidat Públiko ta traha huntu ku Gobièrnu Sentral riba e detayenan. Tambe mester papia ainda ku e organisashonnan di akohida pa mucha. Mas den fin di aña nos ta spera di por duna mas informashon.

Kiko e ta nifiká pa ami komo kolaboradó di akohida pa mucha?
Akohé muchanan bon/seif, ta preskribí kondishonnan pa e kolaboradónan (lidernan). Esei ta nifiká ku un kolaboradó mester kumpli ku sierto rekisitonan di formashon. Na ki momento mester kumpli ku e rekisitonan, no ta konosí ainda. En todo kaso no den 2020 ainda.

Den e programa BES(t) 4 kids ta formulá huntu ku e entidatnan públiko i e organisashonnan di akohida pa mucha un programa di formashon pa prepará òf aktualisá konosementu di kolaboradónan. Bo organisashon di akohida pa mucha por duna bo mas informashon tokante kua trayekto di formashon bo lo por kuminsá awor.

Mi ta bai gana mas tambe?
Kolaboradónan ku tin e diplomanan adekuá i ta trahando den akohida di mucha, mester haña un pago hustu. Entidat Públiko huntu ku Gobièrnu Sentral i e organisashonnan di akohida pa mucha lo studia kiko un pago hustu ta pa kolaboradónan altamente kapasitá. Mas den fin di aña nos ta spera di por duna mas informashon.

Hopi kos ta bai bin riba mi komo organisashon di akohida pa mucha. Mi tin hopi pregunta. Unda mi por akudí ku mi preguntanan?
Den e añanan benidero di bèrdat hopi kos ta bai kambia. Mayornan despues lo tin mester di paga ménos i organisashonnan di akohida pa mucha ta haña un kompensashon pa yunan di mayornan ku ta bin na remarke p’esei. Entidat Públiko huntu ku Gobièrnu Sentral ta traha riba e detayenan akí e periodo benidero. Si bo tin pregunta bo por akudí serka Tamara Nicolaas via tamara.nicolaas@bonairegov.com pa Boneiru, Angela Dekker via sarsapilla5@gmail.com pa Sint Eustatius òf Cadella Marten via cadella.marten@sabagov.nl pa Saba.

Komo organisashon di akohida pa mucha mi mester prepará mi kolaboradónan i tambe tin di bai hisa nan salario. Kon mi ta hasi si mi no por paga esaki?
Ta eksigí hopi di organisashonnan di akohida pa mucha. Entidat Públiko riba término kòrtiku lo kombersá ku nan tokante esaki. Lo tene e kombersashon ei periódikamente e añanan benidero. Huntu ku e organisashonnan di akohida pa mucha lo evaluá e resultadonan di e diferente medidanan i kiko esaki ta nifiká pa nan, finansieramente tambe. Mas den fin di aña nos ta spera di por duna informashon mas konkreto.

Na e momentunan akí ya kaba ta evidente ku organisashonnan di akohida pa mucha ku ta kumpli ku e ordenansa insular di akohida pa mucha por bin na remarke pa un aporte finansiero den kuadro di e programa BES(t) 4 kids. Mester kaba spesifiká e kondishonnan eksakto ainda. Si ainda bo no ta kumpli ku e aktual ordenansa, tuma kontakto e ora ei mas rápido posibel ku Tamara Nicolaas via tamara.nicolaas@bonairegov.com pa Boneiru, Angela Dekker via sarsapilla5@gmail.com pa Sint Eustatius òf Cadella Marten via cadella.marten@sabagov.nl pa Saba.

Tur hende por akudí for di awor kaba na akohida pa mucha? Òf ainda tin lista di espera?
Ta lástima ku serka sierto organisashonnan ainda ta eksistí listanan di espera. Pero ta intenshon ku finalmente tur hende lo por hasi uso di akohida pa mucha. Esei lo no ta posibel di un dia pa otro. Na e momentunan aki no tin sufisiente lugá disponibel pa tur mucha. Tin mester di sufisiente personal tambe.

Den e programa BES(t) 4 kids ta trahando duru pa realisá esaki. Lo no ta nada fásil. Riba tur e tres islanan lo tuma medidanan pa redusí e listanan di espera i pa hasi akohida pa mucha i akohida despues di skol aksesibel pa mas mayor.    

Komo organisashon di akohida pa mucha mi mester bai ofresé edukashon pre eskolar. Kiko mi mester hasi p’esei?
Pa ofresé edukashon pre eskolar ta traha ku un programa pedagógiko speshal. Si komo akohida pa mucha bo ta sigui e programa High Scope (Kaleidoscoop), probablemente bo ta kumpli ku un kondishon importante pa por ofresé edukashon pre eskolar. Tin otro programanan pedagógiko tambe pa edukashon infantil i pre eskolar (VVE), manera ‘Piramide’ i ‘Opstapje’. Programanan di VVE ta dirigí riba desaroyo sosial-emoshonal di mucha, ku atenshon spesial pa desaroyo linguístiko.

Komo organisashon eskolar mi ta trahando riba desaroyo di IKC. Kiko e programa BES(t) 4 kids ta nifiká pa e skol?
E programa BES(t) 4 kids ta dirigí su mes riba fortifikashon di akohida pa mucha i di fasilidatnan pa promé ku i despues di skol. Esei pues ta relashoná tambe ku sentronan integral pa mucha (IKC). Pa loke ta trata e programa BES(t) 4 kids e liña di desaroyo kontinuo di e mucha ta punto di salida pa tur organisashon den e kadena: organisashonnan di akohida pa mucha, skolnan i organisashonnan di kuido pa hóben. E programa BES(t) 4 kids pues ta un oportunidat pa desaroyo di IKC.

Entidat Públiko lo papia riba término kòrtiku ku e skolnan al respekto. Lo tene e kombersashon ei periódikamente e añanan benidero.

Sigui e página di Facebook BESt 4 Kids pa keda na altura di tur desaroyo den e programa aki.