Ta posibel pa tèst mas tantu ku ‘COVID drive-thru’
Despues di e wikènt di Pasku di Resurekshon e departamento di Salubridat Públiko di Entidat Publiko den koperashon ku Fundashon Mariadal lo kuminsá tèst pa medio di un asina yamá ‘COVID drive-thru’. Te aworakí tabata hasi e tèstnan solamente na kas serka e pashènt, pero pa medio di e manera di traha nobo aki Boneiru ke tèst mas tantu hende posibel i eksponé mas poko habitante i personal médiko posibel . E introdukshon di e drive-thru ta pas den e plan pa aktivamente buska e vírùs di corona, pa haña klaridat si e vírùs ta presente na Boneiru òf nò.
Di djamars 14 di aprel te ku djabièrnè 17 di aprel ta ekipá un tènt grandi, kaminda por hasi e tèstnan miéntras ku e hendenan ta keda sintá den nan outo. E entrada di e drive-thru ta na Kaya Soeur Bartola, patras di e parke di mucha. Riba e tereno di parker poko mas leu ta haña e tènt. Ora kore drenta e tènt, un kolaboradó ta tuma un muestra. Esaki ta hasi pa medio di pasa un staf chikí di katuna den garganta i unu den nanishi di e pashènt. Un di dos kolaboradó ta registrá bo datonan personal i otro dato. Despues e personanan ku a tèst ta risibí un foyeto, tokante kon i ki dia nan lo risibí e resultado di e tèst. Por tèst maksimal dos persona pa outo.
Hende ku tin keho manera un tiki kayente di kurpa òf keintura, tosamentu, kuminsamentu di tosamentu òf garganta ku ta kishikí, por mèldu telefónikamente for di djamars mainta, 14 di aprel durante oranan di trabou via number di telefòn 715-8900, ku e number di ekstenshon 1649. E ora ei e enfermero ta hasi algun pregunta i ta traha un sita ki dia e persona mester ta na e sitio di tèst. E oranan di tèst ta tur dia di 4 or te ku 6 or di atardi, i ta solamente riba sita. Esaki ta tantu pa adulto komo pa mucha. Si durante di e kombersashon na telefòn bin resultá ku e sospecho di presensia di COVID-19 ta masha fuerte e ora ei e pashènt ta risibí instrukshon speshal.