BCN ku medidanan adaptá pa e ‘Lock down’ na Saba
Gustosamente BelastingdiensCN ta informá tokante e medidanan ku a tuma na e momentunan aki en konekshon ku e ‘Lock down’ na Saba. E ofisina di Belastingdienst na Saba ta sera te próksimo aviso. Pa loke ta trata e Aangifte Inkomstenbelasting, ABB i LH, nos ke sòru huntu ku bo pa, den kaso ku ta nesesario, ainda por hasi aangifte den e lunanan benidero.
Aangifte di Inkomstenbelasting (IB) 2019 ‘online’
Por hasi e aangifte IB 2019 ‘online’ te ku 18 di mei 2020, via https://mijn.belastingdienst-cn.nl/ib . Dor di e ‘Lock down’ por ta posibel ku bo no por logra esaki promé ku e fecha menshoná. P’esei bo ta haña eksonerashon te 18 di ougùstùs 2020. Si bo ta ferwagt di haña sèn bek, hasi bo aangifte promé ku 18 di mei, pa asina prosesá bo aangifte pa mas tarda den e luna di òktober.
Aangifte di ABB/LH online
Belastingdienst Hulanda Karibense ta ofresé e posibilidat awor pa hasi bo aangifte ABB i LH tambe ‘online’. Esaki ta nifiká ku bo por entrega bo aangifte elektronikamente via https://mijn.belastingsdienst-cn.nl/ogp/.
Yudansa ku yenamentu ‘online’
Pa yudansa ku yenamentu ‘online’ òf pa otro pregunta por tuma kontakto via:
helpdesk@belastingdienst-cn.nl , ku menshon di bo pregunta, number di Crib, bo nòmber i number di telefòn i lo tuma kontakto ku bo mas pronto posibel. Por tuma kontakto ku nos tambe durante di e ‘Lock down’ na number di telefòn +599 715 8585 (Boneiru). Nos lo sigui yuda bo e ora ei.
Si no opstante bo no logra hasi e aangifte ‘online’, por haña e formularionan riba www.belastingdienst-cn.nl . Mirando e situashon i e desaroyonan, e ora ei no ta sigur si te ki dia atrobe por entrega aangifte i otro dokumentunan na e bali di Belastingdienst na Saba i bo ta kore e riesgo di kai lat ku entregá di esakinan.