BKCN ta ranka sali ku ‘crashtender’
Riba djaweps atardi 15 di aprel, lo por mira un di e ‘crashtendernan’ di Kuerpo di Bombero Hulanda Karibense (BKCN) riba kareteranan di Boneiru. Ta usa e ‘crashtender’ di manera preventivo na Curoil, durante di trabou spesial di pòmp na e tanki di almasenahe na e depósito di fuel na Hato.
E fasilidatnan di seguridat di kandela na e tereno di Curoil ta bon; ta usa e ‘crashtender’ di manera preventivo pa por aktua rápido den kaso di un insidente.
Generalmente ta usa e ‘crashtendernan’ na Boneiru solamente na aeropuerto ku e meta pa por aktua di manera adekuá den kaso di kandela. Sinembargo, komo ku e trabounan na Curoil ta trata di aktividatnan eksepshona. Dden kombersashon ku Curoil i e kontroladonan na Hulanda Oropeo, a palabrá pa para kla ku un di e ‘crashtendernan’.
Ta spera ku e ‘crashtender’ ta sali alrededor di 1.30 or di mèrdia pa e depósito na Hato. Ora finalisá e trabounan, pa mas o ménos 6 or di atardi e vehíkulo spesial lo kore bai kazèrne di brantwer bèk. Riba djabièrnè 16 di aprel tambe e ‘crashtender’ lo ta presente di 8 or di mainta pa 5 or di atardi na Curoil na Hato. BKCN ta supliká habitantenan di Boneiru pa tene kuenta ku esaki si nan ta den tráfiko riba e orarionan menshoná. Trabounan di brantwer na aeropuerto ta sigui normal.