MijnCN: plataforma ‘online’ pa servisionan gubernamental ta ‘live’ entrante 19 di yanüari
Entrante 19 di yanüari 2021 a lansa MijnCN. MijnCN ta e plataforma online pa servisionan gubernamental na Hulanda Karibense. Habitante- i empresanan por regla nan asuntunan fásil, seif i rápido serka e servisionan afiliá.
Belastingdienst Caribisch Nederland ta e promé servisio riba e plataforma, kaminda na promé instante por hasi deklarashon di ‘Inkomstenbelasting’ (IB) , ‘Algemene Bestedingsbelasting’(ABB) i ‘Loonheffing(LH)’. Despues di tempu lo amplia e portal ku mas servisio di Gobièrnu Sentral i gobièrnu lokal. Di manera ku habitantenan di Hulanda Karibense por regla nan asuntunan ku gobièrnu via un portal.
Fásil
Usuarionan por ‘log in’ tur kaminda i tira un bista den, regla òf kambia nan asuntunan. Por haña ayudo pa traha un kuenta riba: www.mijncn.nl/aanmaken-activeren
Seif
Seguridat ta pará na promé lugá serka MijnCN. P’esei ta sigurá datonan na diferente manera. Por ehèmpel tambe ku posibilidat di ‘2-Factor Authenticatie’. Aki un usuario tin mester di no un, sino dos yabi pa ‘log in’ riba su kuenta úniko i personal.
Rápido
Pa motibu ku tur dato ta drenta di manera digital den e sistema, por prosesá e datonan mas rápido tambe.
Ku otro palabra, MijnCN: fásil, seif i rápido. Mas informashon por haña riba www.mijncn.nl.