Entrante promé di yanüari 2023, Agensia Telecom lo kambia di nomber i lo yama Rijksinspectie Digitale Infrastructuur (RDI)
Sosiedat ta den proseso di digitalisashon. No solamente uso di e aparatonan radial (inteligente) ta oumentando. Pero, tambe ta usando servisionan via infrastruktura digital, mas i mas. Ehèmpelnan di esaki ta online banking, kumpra i bende produkto via internet òf hasi yamada ku bo telefon mobil. Esaki ta trese hopi benefisionan ekonómiko, pero tambe riesgonan nesesario, manera retnan ku ta kai afó dor di hackmentu i otro tipo di interupshonnan.
Na Hulanda, desaroyonan a resultá den un ekspanshon di (supervisá) funshonnan den e área di seguridat digital. Tambe ta spera ku e kresementu di e tareanan lo kontinuá na Hulanda Karibense den e próksimo añanan. E nòmber 'Rijksinspectie' ta afiliá bon na e desaroyo aki. Debí na e ampliashon di e área di trabou, e nòmber 'Telecom' ya no ta kubri e kargo aki mas. 'Infrastruktura digital', si ta kubri esaki.
RDI ta sigurá, entre otro, ku e infrastruktura (digital) na Hulanda Karibense ta disponibel i konfiabel. Esaki ta permití un uso sin interupshon di radio, televishon, internet i telefònnan móbil. Además, RDI ta garantisá ku por usa e aparatonan radial i reseptornan di radio sin interupshon.
Entrante 9 di yanüari lo bo haña mas informashon tokante RDI riba nos wepsait: www.rijksdienstcn.com/ekonomia-i-klima/RDI. Entrante e fecha aki lo bo por hasi preguntanan relashoná ku nos servisio via e-mail, na BES@RDI.nl. Te ku 8 di yanüari 2023, nos ta disponibel via e kanalnan di kustumber.