Rijksinspectie Digitale Infrastructuur (RDI)
Rijksinspectie Digitale Infrastructuur (RDI) ta ehekutor i supervisor di telekomunikashon na Boneiru, Sint-Eustatius i Saba. Bo por akudí serka nos pa informashon tokante kua ekipo di radio bo mag usa, pèrmit pa uzo di frekuensia, èksamen di radio, importashon di ekiponan di radio (duana) i interferensia riba òf dor di ekiponan di radio.
For di nos ofisina na Boneiru e kolaboradónan di RDI ta manehá e skala di frekuensia di radio pa tur e tres islanan, dor di otorgamentu di frekuensia di radio, supervishon i ehekushon di inspekshon. Bo por akudí na nos establesimentu pa entre otro:
- Petishon di pèrmit pa uzo di frekuensia;
- Partisipashon na un èksamen di radio;
- Informashon tokante kua ekipo di radio bo mag usa sin pèrmit i kua no;
- Informashon tokante importashon di ekiponan di radio (duana);
- Keho tokante interferensia riba òf dor di ekiponan di radio;
- Demas pregunta tokante telekomunikashon, aparatonan, kompensashon i legislashon.
RDI ta supervisá e kondishonnan tékniko mará na uzo di frekuensia. Pa protekshon di konsumidó, kompetensia relashoná ku ofresedónan di telekomunikashon i emishon di number i sekuensianan numériko bo por akudí na Autoriteit Consument en Markt.