Ofresé servisio di Telekomunikashon na Hulanda Karibense
Pa operá un infrastruktura di telekomunikashon pa brinda servisio telefóniko òf akseso na internèt pa medio di liña fiho, móbil òf satélite, mester hasi petishon pa un konseshon (lisensia di telekomunikashon) serka Rijksinspectie Digitale Infrastructuur (RDI). Kada persona ku kier ofresé servisio di telekomunikashon na Hulanda Karibense ta liber pa hasi un petishon pa un konseshon serka RDI. E petishon i e infrastruktura di telekomunikashon ku e servisio ta sostené, mester kumpli ku sierto rekisitonan. RDI ta kontrolá esaki.
Si resultá ku ta ofresé servisio sin un konseshon bálido, e ora ei no ta kumpli ku e lei suministro di telekomunikashon BES. Lo pidi e provedor pa para e servisio. E medida aki ta tumá pa salbaguardiá e prinsipio di igualdat i pa evitá kompetensia inhustu. Ademas di esaki, tur otro provedor di servisio di telekomunikashon mester kumpli ku e rekisitonan ku tin den su konseshon i tambe paga un kontribushon anualmente pa por ofresé su servisio na nos islanan.
RDI ta para pa un Hulanda Karibense ku konekshon sigur.