Preguntanan ku ta hasi frekuentemente

Si, tin un plan di frekuensia apart pa Hulanda Karibense. E plan di frekuensia Hulanda Karibense ta desviá for di esun di Hulanda Oropeo, debí na e repartishon internashonal den region pa uzo di frekuensia (wak e ilustrashon). Ounke hopi banda di frekuensia ta harmonisá mundialmente, tin ainda diferensia tambe entre e tres regionnan. Esaki ta nifiká ku no ta tur ekipo ku ta permití na Hulanda, por ser usá tambe na Boneiru, Sint Eustatius i Saba.

Wak akí kua ekiponan bo mag usa sin pèrmit.

Bo por baha e plan di frekuensia akí.

Nòmbernan di identifikashon òf ‘call signs’, ta kódigonan di identifikashon ku ta usa den e tráfiko di radio. Nan ta importante partikularmente pa nabegashon, aviashon i amatùrnan di radio, pero tambe emisoranan radial tin un ‘call sign’. Gobièrnu semper ta esun ku ta otorgá un nòmber di identifikashon di radio. Pa Hulanda Karibense esaki ta sosodé via RDI.

‘Call signs’ pa Hulanda Karibense ta kuminsá ku PJ4 (Boneiru), PJ5 (Sint Eustatius) òf PJ6 (Saba). E promé tres karakternan nan ta yama e ‘prefiho’ di e nòmber di identifikashon. Ta yama e lèter òf sifranan ku ta sigui despues e ‘sufiho’.

Amatùrnan di radio prosedente di un otro pais por usa nan propio ‘call sign’ si nan tin un lisensia bálido. Nan mester usa e agregashon /PJ4 pa Boneiru, /PJ5 pa Sint Eustatius i /PJ6 pa Saba. Lesa aki mas tokante e kondishonnan.

Ehekushon i kòntròl ta kai bou di responsabilidat di RDI. E agensia pues ta otorgá tambe nòmbernan di identifikashon (‘call signs’).

Si bo kier hasi uzo di un marifon òf otro ekipo di radio marítimo riba un barku, e ora ei bo mester ta den poseshon di un sertifikado di operashon. I pa bo barku bo mester tin un pèrmit, e asina yamá ‘ship station license’. E sertifikado di operashon ta demostrá ku bo tin konosementu di e reglanan pa uzo di e ekipo. E pèrmit ta indiká kua ekipo tin na bordo i kua kódigonan di identifikashon (‘call sign’ i number di MMSI) a asigná na e barku.

Lesa akí pa kada sertifikado kua ekipo bo por usa ku esaki.

No, derechi di Union Oropeo no ta aplikabel pa Hulanda Karibense, a ménos ku menshoná esaki eksplísitamente. Esaki ta konta tambe pa e otro paisnan den e parti karibense di Reino. Hulanda Karibense den e tratado Komunidat Oropeo tin e asina yamá status di Pais- i Teritorionan di Ultramar (LGO). Pa LGO e Radio Equipment Directive (RED) ta na vigor i pa e motibu ei e Electromagnetic Compatibility Directive (EMC) no ta konta na Hulanda Karibense.

Autoriteit Consument en Markt (ACM) ta otorgá number. Bo por entregá petishonnan pa number (por ehèmpel un number 0800) mandando un meil pa TelecomPostCN@acm.nl.

E kódigonan di pais ta +599 pa Hulanda Karibense i Kòrsou. Sint-Maarten a pasa pa e kódigo di pais +1 721. Aruba tin +297.

E number general di alarma na Boneiru ta 911.

RDI ta outorisá pa imponé tarifanan na doñonan di pèrmit òf konseshon. RDI ta manda e fakturanan tambe i ta kobra nan. E base pa esaki ta poné den e “Regeling vergoeding telecommunicatievoorzieningen Agentschap Telecom BES 2022”

E Lei interkambio di informashon retnan bou di tera no ta na vigor na Hulanda Karibense.